హీరో కిరణ్‌ అబ్బవరం నటిస్తున్న భారీ పీరియాడిక్‌ థ్రిల్లర్‌ ‘క’. ఈ సినిమా గురించి వస్తున్న పాజిటివ్‌ టాక్‌ ఇతర చిత్ర పరిశ్రమల దష్టినీ ఆకర్షిస్తోంది. తాజాగా ఈ సినిమా మలయాళ థియేట్రికల్‌ రైట్స్‌ను హీరో దుల్కర్‌ సల్మాన్‌ ప్రొడక్షన్‌ కంపెనీ వేఫరర్‌ ఫిలింస్‌ సొంతం చేసుకుంది. మలయాళంలో ఈ సినిమాను వరల్డ్‌వైడ్‌గా ఈ సంస్థ థియేట్రికల్‌ రిలీజ్‌ చేయనుంది. ఈ సినిమా ఫస్ట్‌ లుక్‌, టీజర్‌ చూసిన దుల్కర్‌ సల్మాన్‌ ఇంప్రెస్‌ అయి మలయాళ వెర్షన్‌ తమ వేఫరర్‌ ఫిలింస్‌ సంస్థలో విడుదల చేసేందుకు ముందుకొచ్చారు. స్ట్రాంగ్‌ కంటెంట్‌తో ఈ సినిమా హ్యూజ్‌ బజ్‌ని క్రియేట్‌ చేస్తోంది. ఇప్పటికే ఈ సినిమా తెలుగు రైట్స్‌ను నిర్మాత వంశీ నందిపాటి తీసుకున్నారు. ఇదే క్రమంలో త్వరలోనే తమిళ, కన్నడతో పాటు ఇతర భాషల బిజినెస్‌ కూడా క్లోజ్‌ కానుంది. నయన్‌ సారిక, తన్వీ రామ్‌ హీరోయిన్స్‌గా నటిస్తున్న ఈ చిత్రాన్ని చింతా వరలక్ష్మి సమర్పణలో శ్రీచక్రాస్‌ ఎంటర్‌టైన్‌మెంట్స్‌ బ్యానర్‌ పై చింతా గోపాలకష్ణ రెడ్డి భారీ ప్రొడక్షన్‌ వ్యాల్యూస్‌తో నిర్మిస్తున్నారు. దర్శక ద్వయం సుజీత్‌, సందీప్‌ విలేజ్‌ బ్యాక్‌ డ్రాప్‌ యాక్షన్‌ థ్రిల్లర్‌ కథతో ఈ సినిమాను రూపొందిస్తున్నారు.
