కొంతకాలంగా అనారోగ్యంతో బాధపడుతున్న షాహీన్‌ బేగం
నవతెలంగాణ-జూబ్లీహిల్స్‌
హైదరాబాద్ ఎర్రగడ్డ డివిజన్‌కు చెందిన ఏఐఎంఐఎం కార్పొరేటర్‌ షాహీన్‌ బేగం కొంతకాలంగా అనారోగ్యంతో బాధపడుతూ మంగళవారం మృతిచెందారు. షాహీన్‌ బేగం 2020లో జీహెచ్‌ఎంసీ ఎన్నికల్లో కార్పొరేటర్‌గా ఎన్నికయ్యారు. కొన్ని రోజుల కిందట ఆమె అనారోగ్య సమస్యలతో బాధపడుతూ ఏఐజీ ఆస్పత్రిలో చేరారు. చికిత్స పొందుతూ పరిస్థితి విషమించి మంగళవారం ఉదయం మృతిచెందారు. ఆమె కుటుంబానికి ఏఐఎంఐఎం పార్టీ సీనియర్‌ నేతలు సంతాపం తెలిపారు. మృతురాలి భర్త, మాజీ కార్పొరేటర్‌ మహమ్మద్‌ షరీఫ్‌ ఖురేషి కూడా 2023 అక్టోబర్‌లో అనారోగ్య కారణాలతో చనిపోయారు. ఎర్రగడ్డ డివిజన్‌లో ప్రస్తుత కార్పొరేటర్‌, మాజీ కార్పొరేటర్‌ ఇద్దరూ ఏడు నెలల వ్యవధిలోనే చనిపోవడం ఎంఐఎంకు తీరని లోటని నాయకులు, కార్యకర్తలు విచారం వ్యక్తం చేశారు.
Related posts:
హైదరాబాద్ లో భారత్‌ రైస్‌ పంపిణీ కేంద్రాలు ఇవే
హైదరాబాద్‌లో భారీగా డ్రగ్స్‌.. కలకలం
హైదరాబాద్ మజ్లిస్‌దే..
అర్హులైన ప్రతి జర్నలిస్టుకూ ఇండ్లస్థలాలు ఇస్తం: పొంగులేటి శ్రీనివాస్ రెడ్డి
జర్నలిస్టుల ఇళ్ల స్థలాల సమస్య పరిష్కారానికి కృషి చేస్తా: మంత్రి ఉత్తమ్ కుమార్ రెడ్డి
కొమురవెల్లిలో భక్తులపై లాఠీచార్జీ చేసిన పోలీసులు