రాజకీయాలకు గౌతమ్ గంభీర్ గుడ్ బై..

నవతెలంగాణ-హైదరాబాద్ :  భారతీయ జనతా పార్టీ నేత, ఈస్ట్ ఢిల్లీ ఎంపీ గౌతమ్ గంభీర్ కీలక నిర్ణయం తీసుకున్నారు. రాజకీయాల నుంచి తప్పుకోవాలని డిసిషన్ తీసుకున్నారు. బీజేపీ  వ్యవహారాల నుంచి తనను తప్పించాలని జాతీయ అధ్యక్షుడు జేపీ నడ్డాను గంభీర్ కోరారు. పార్టీ బాధ్యతలు తప్పిస్తే తాను వచ్చే క్రికెట్ టోర్నమెంట్లపై దృష్టిసారిస్తానని చెబుతున్నారు. ఈ మేరకు సోషల్ మీడియా ఎక్స్‌లో పోస్ట్ చేశారు. ‘ఢిల్లీ తూర్పు లోక్ సభ నియోజకవర్గ ప్రజలకు ఐదేళ్ల పాటు సేవ చేసే అవకాశం కలిగింది. తనకు అవకాశం ఇచ్చిన ప్రధాని మోడీ, హోం మంత్రి అమిత్ షాకు ధన్యవాదాలు అని’ ఎక్స్‌లో గంభీర్ రాసుకొచ్చారు. లోక్ సభ ఎన్నికల వేళ గౌతమ్ గంభీర్ కీలక నిర్ణయం తీసుకున్నారు. మరికొద్దీ రోజుల్లో ఐపీఎల్ ప్రారంభం కానుంది. ఈ క్రమంలో రాజకీయ బాధ్యతల నుంచి తనను తప్పించాలని బీజేపీ జాతీయ అధ్యక్షుడు జేపీ నడ్డాను గౌతమ్ గంభీర్ కోరారు.

Spread the love