సుజాత మాస్సే… బ్రిటీష్ సామ్రాజ్యంలో మొదటి మహిళా న్యాయవాది ప్రేరణతో ‘పర్వీన్ మిస్త్రీ’ రచించారు. ఈ నవలకుగాను ఎన్నో అవార్డులను గెలుచుకున్నారు. ఆ కాలపు సామాజిక నిర్మాణాలను ఇందులో ఆమె అందంగా పున:సృష్టించారు. 1920లలో బొంబాయిలో ఏకైక మహిళా న్యాయవాది అయిన పెర్వీన్ తన తండ్రి న్యాయ సంస్థలో పనిచేస్తున్నప్పుడు పితృస్వామ్య వ్యవస్థ, లింగవివక్షలను ప్రశ్నించారు. రాజకీయాల్లోనూ భాగం పంచుకున్నారు. అలాంటి వ్యక్తి జీవితాన్ని ప్రపంచం ముందుకు తీసుకొచ్చిన ఆమె తన రచన గురించి మనతో ఇలా పంచుకుంటున్నారు...
పర్వీన్ మిస్త్రీ జీవితంలో మీకు ప్రేరణగా నిలిచిన సంఘటన ఏమిటి?
2013లో వచ్చిన ‘ది సిటీ ఆఫ్ ప్యాలెస్’ నవల కోసం చివరి వలసరాజ్యాల భారతదేశ చరిత్రను పరిశోధిస్తున్నప్పుడు, బ్రిటిష్ సామ్రాజ్యంలో మొదటి మహిళా న్యాయవాది కార్నెలియా సొరాబ్జీ గురించి తెలుసుకున్నాను. కార్నెలియా ఆక్స్ఫర్డ్లో చదువుకుంది. ఆ తర్వాత ఆమె ఫ్యామిలీ లా ప్రాక్టీస్ చేశారు. అలాగే మహారాజుల కోర్టుల్లో, వలస ప్రభుత్వానికి తాత్కాలిక ఏజెంట్గా పని చేయడానికి భారతదేశానికి తిరిగి రావడం నాకు ఆసక్తి కలిగించింది. ఆమెను 1920లలో బాంబే బార్ గుర్తించింది. విడాకుల హక్కులతో పాటు మహిళల హక్కులను రక్షించే చట్టాల కోసం ఆమె తీవ్ర కృషి చేశారు. ఇవన్నీ నాకెంతో ప్రేరణగా నిలిచాయి.
స్వాతంత్య్రానికి పూర్వం నాటి ఆమె వ్యక్తిత్వాన్ని, స్వభావాన్ని మీరెలా తెలుసుకోగలిగారు?
ఆమె తన వివాహ జీవితం నుండి తిరిగి వచ్చి తన తల్లిదండ్రులతో కలిసి జీవించేది. తండ్రి సంస్థలో ఆశ్రయం పొందడంతో పాటు అక్కడే ఉద్యోగంలో చేరింది. న్యాయవాదిగా డబ్బు సంపాదించేది. అది ఆమెకు ఒక ప్రత్యేకమైన స్వేచ్ఛను, విశ్వాసాన్ని ఇచ్చింది. ఆలిస్ హాబ్సన్-జోన్స్, కోలిన్ సాండ్రింగ్హామ్ అనే ఇద్దరు బ్రిటీష్ వ్యక్తులతో ఆమె సన్నిహిత సంబంధాలు ఉన్నాయి. స్నేహితులతో, ప్రజలతో ఆమెకు మంచి సంబంధాలు ఉన్నాయని చెప్పడానికి ఇదొక చక్కటి ఉదాహరణ. అయితే అన్ని విషయాల్లో ధైర్యంగా ఉంటూ తన చుట్టూ ఉన్న వారిలో కూడా ఆమె ధైర్యాన్ని నింపేది.
మీరు రాసేటప్పుడు ఎలాంటి పాఠకులను దృష్టిలో పెట్టుకుంటారు?
నా పాఠకుల్లో అన్ని వయసుల వారు, అనేక దేశాల వారు ఉంటారు. అంటే వీరిలో చాలా మందికి భారతదేశం, దాని చరిత్ర గురించి ముందస్తు జ్ఞానం ఉండదు. నా రచన ఉపన్యాసంలా ఉంటే నాకు నచ్చదు. సంభాషణల రూపంలో సమాచారాన్ని అందిస్తాను. పర్వీన్ ఆలిస్ తాజ్ వద్ద భోజనం చేస్తున్నప్పుడు ఒక సంఘటన జరుగుతుంది. బాంబే డక్ అంటే దానికి ఒక సరదా ఉదాహరణ. బ్రిటిష్-ఇండియన్ యాస, వంటకాలు, ఆచారాల చరిత్ర నాకు ఆసక్తిని కలిగిస్తుంది. అలాగే అన్ని అధ్యాయాలను సస్పెన్స్తో ముగించడం మరొక లక్ష్యం.
రాసే మధ్యలో విరామం కోసం ఏం చేస్తారు?
ఆరుబయట నడుస్తుంటాను. అలాగే మ్యూజియంలు, సినిమాలకు వెళ్లడం నాకు ఇష్టం. థియేటర్లకు వెళ్ళడానికి నా ప్రాధాన్యం. ఇతర వ్యక్తుల సృజనాత్మకతను ఆస్వాదిస్తూ నా సృజనాత్మకతను అభివృద్ధి చేసుకుంటాను. అవసరమైన వివరాలను సేకరించడం కోసం ప్రతి పుస్తకంతో భారతదేశాన్ని సందర్శించడానికి ప్రయత్నిస్తాను. ఈ సుందరమైన పర్యటనా సమయంలో నా తదుపరి పుస్తకం కోసం ఆలోచన వస్తుంది. ప్రస్తుతం నేను సిరీస్లో ఐదు పుస్తకాలపై పని చేస్తున్నాను.
ఎప్పుడైనా విశ్రాంతి తీసుకోవాలనిపిస్తే?
నా భర్తతో కలిసి ప్రయాణం చేస్తాను, స్నేహితులతో కలిసి భోజనం చేస్తాను, తోట పని చేస్తాను. అలాగే నాకు రోజూ ఏదైనా మంచి వంట చేయడం అంటే చాలా ఇష్టం.
ప్రస్తుతం మీరు చదువుతున్న పుస్తకాలు?
నెవ్ మార్చి రచించిన ది స్పానిష్ డిప్లొమాట్, 2023 పతనం కోసం రాబోయే మిస్టరీ నవల, మేరీ స్టీవర్ట్ రచించిన 1955 సస్పెన్స్ నవల మేడమ్ విల్ యు టాక్.
పుస్తకాన్ని తీసుకున్న పాఠకులకు మీ సందేశం ఏమిటి?
హృదయాన్ని కదిలించే రహస్యానికి సిద్ధంగా ఉండమని నేను చెబుతాను. ఒక యువతిని అన్యాయంగా అరెస్టు చేయడం, ఆమెకు సహాయం చేయడానికి పర్వీన్ చేసిన ప్రయత్నాల వల్ల తలెత్తిన క్లిష్ట పరిస్థితిని చూసి నేను చాలాసార్లు కన్నీళ్లు పెట్టుకున్నాను. ఇది కూడా ఒక పాప వచ్చినప్పుడు ఇంట్లో జరిగే మార్పులు మరింత బాధగా ఉంటాయి. పెర్వీన్ రిస్క్ తీసుకోవడా నికి ఎప్పుడూ సిద్ధంగా ఉంటుంది. తన ప్రయత్నాలకు ఎదురు దెబ్బలు తగిలితే మరో మార్గం కోసం వెతుకుతుంది.
మీపై ముద్ర వేసిన రచయిత?
1920-1940ల బ్రిటన్లో నివసిస్తున్న మహిళా పరిశోధకురాలు-మనస్తత్వవేత్త గురించి మైసీ కాబ్స్ సిరీస్ను రూపొందించిన బ్రిటిష్ రచయిత జాక్వెలిన్ విన్స్పియర్ రచన, వ్యక్తిగత ప్రయాణాన్ని నేను ఎంతో అభిమానిస్తాను. అందులో సన్నివేశాలను సెట్ చేయడం, వ్యక్తులను వివరించడం, సంభాషణలు నాకెంతో నచ్చాయి.
