వాతావరణం మారుతోంది. వర్షాలు ప్రారంభమయ్యాయి. సీజనల్ వ్యాధులు ప్రబలే ఈ కాలంలో పిల్లల ఆరోగ్యం పట్ల ప్రత్యేక శ్రద్ధ వహించాలి. జ్వరం, శ్వాసకోశ ఇన్ఫెక్షన్లు, ఫంగల్ ఇన్ఫెక్షన్లు, తదితర సమస్యలు పిల్లలను ఈ కాలంలో వేదిస్తాయి. ఈ వర్షాకాలంలో పిల్లలు ఆరోగ్యంగా ఉండేందుకు తల్లిదండ్రులు కొన్ని జాగ్రత్తలు పాటించాలి.
కాచి చల్లార్చిన నీరు తాగేలా చూడాలి.
మలేరియా, డెంగ్యూ ఇతర వ్యాధుల వ్యాప్తిని నివారించేలా పరిసరాలను శుభ్రంగా ఉంచాలి.
ఫంగల్ ఇన్ఫెక్షన్లు రాకుండా తడి బట్టలు, బూట్లు తప్పనిసరిగా ఆరుబయట ఆరబెట్టాలి.
భోజనానికి ముందు చేతులు బాగా కడుక్కునేలా చూడాలి.
స్కిప్పింగ్, హౌపింగ్, టేబుల్ టెన్నిస్ మొదలైన ఇండోర్ ఫిజికల్ యాక్టివిటీస్ వంటి శారీరక శ్రమ కలిగించే క్రీడలను ప్రోత్సహించాలి.
వర్షాలు పడుతున్న సమయంలో తప్పనిసరిగా బయటికి వెళ్తున్నప్పుడు రెయిన్కోట్లు, గొడుగులు, గమ్ బూట్లు ఉపయోగించాలి.
ఆహారంలో తులసి, దాల్చిన చెక్క, నిమ్మ, అల్లం, ఇతర మసాలా దినుసులు చేర్చాలి.
దోమలు కుట్టకుండా దోమతెర ఉపయోగించాలి.
బయటి నుండి వచ్చిన పిల్లల కాళ్లను గోరువెచ్చని నీళ్లతో కడగాలి.
అలెర్జీలు రాకుండా ఇంటి వాతావరణంలో తేమ లేకుండా చూడాలి. ముఖ్యంగా గోడలు, తివాచీలు, కర్టెన్లను ఎప్పటికప్పుడు శుభ్రపరుచుకోవాలి.
