నవతెలంగాణ – హైదరాబాద్: హైదరాబాద్: హైదరాబాద్ నగరంలోని పలుచోట్ల ఎడతెరిపిలేకుండా వర్షం కురుస్తోంది. కూకట్పల్లి, హైదర్నగర్, నిజాంపేట్, ప్రగతినగర్, కేపీహెచ్బీ కాలనీ, ఆల్విన్ కాలనీ, ఖైరతాబాద్, అమీర్పేట, సోమాజీగూడ, నాంపల్లి, మలక్పేట్, సైదాబాద్, పాతబస్తీ, ఎల్బీనగర్, సాగర్రింగ్ రోడ్, హస్తినాపురం, సికింద్రాబాద్, బేగంపేట, అడ్డగుట్ట, మారేడుపల్లి, ప్యాట్నీ, పారడైజ్, చిలకలగూడ, బోయిన్పల్లి, తిరుమలగిరి, అల్వాల్, బొల్లారం వర్షం జోరుగా కురుస్తోంది. పలు చోట్ల సోమవారం రాత్రి నుంచి పడుతూనే ఉంది. వర్షం ధాటికి రోడ్లు జలమయమయ్యాయి. వాహనదారులు ఇబ్బంది పడుతున్నారు. నేడు పలు జిల్లాలో భారీ నుంచి అతి భారీ వర్షాలు కురిసే అవకాశం ఉందని ఇప్పటికే వాతావరణ శాఖ హెచ్చరించింది. 11 జిల్లాలకు ఆరెంజ్ హెచ్చరికలు, 18 జిల్లాలకు ఎల్లో హెచ్చరికలు జారీ చేసింది. ఎల్లో హెచ్చరికలు జారీ చేసిన వాటిలో హైదరాబాద్, మేడ్చల్ మల్కాజిగిరి, రంగారెడ్డి, యాదాద్రి భువనగిరి, సంగారెడ్డి, వికారాబాద్ జిల్లాలు ఉన్నాయి.