– 2024నూతన క్యాలెండర్ ఆవిష్కరణ– నవతెలంగాణ – తాడ్వాయి
తెలంగాణ కల్లుగీత కార్మిక సంఘం 2024 నూతన క్యాలెండర్ ను మండలంలోని కాటాపూర్లో కేజీకేఎస్ ములుగు జిల్లా అధ్యక్షులు పులి చిన్న నర్సయ్య ఆధ్వర్యంలో ఆవిష్కరించారు. ఈ సందర్భంగా ములుగు జిల్లా అధ్యక్షులు పులి చిన్న నరసయ్య గౌడ్, ఉపాధ్యక్షులు పాలకుర్తి రవీందర్ గౌడ్, కాటా పూర్ మాజీ సర్పంచ్ పులి పెద్ద నరసయ్య గౌడ్, సీనియర్ నాయకులు బెల్లంకొండ రోశయ్య గౌడ్ లు మాట్లాడుతూ కల్లు కు మార్కెట్ సౌకర్యం కల్పించి, కల్లు దుకాణాలు ఆధునీకరణ కోసం ప్రభుత్వం నిధులు కేటాయించాలని, అలాగే చెట్ల పెంపకానికి గ్రామాల్లో భూములు కేటాయించి గీత వృత్తిని మరింత బలోపేతం చేసే విధంగా చర్యలు చేపట్టాలన్నారు. బెల్ట్ షాపులు ఏరులై ప్రవహిస్తుండడంతో కళ్ళు అమ్ముడుపోక గీత కార్మికుల కుటుంబాలు రోడ్డుపై పడ్డాయని ఆవేదన వ్యక్తం చేశారు. ఏజెన్సీలో “నీరా” కేంద్రాలు ఏర్పాటు చేసే విధంగా చర్యలు చేపట్టాలన్నారు. కల్లుగీత కార్మికుల హక్కుల కోసం సర్వాయి పాపన్న స్ఫూర్తితో పోరాటాలకు సిద్ధం కావాలని కోరారు. ఈ కార్యక్రమంలో ముస్తాదరు గడ్డం శ్రీధర్, తెలంగాణ కల్లుగీత కార్మిక నాయకులు బెల్లంకొండ నరేష్, పులి రవి, గండు సదయ్య గడ్డం రాములు, మొగిలి, రంగు సత్యనారాయణ, ముంజ ప్రదీప్, రంగు రాజు, సదయ్య, లాలయ్య తదితరులు పాల్గొన్నారు.
