నవతెలంగాణ- హైద‌రాబాద్ : బీఆర్ఎస్ అధినేత కేసీఆర్‌కు సోమాజీగూడ యశోద హాస్పిటల్‌లో వైద్యులు హిప్‌ రీప్లేస్‌మెంట్ శ‌స్త్ర చికిత్స ప్రారంభ‌మైంది. కేసీఆర్ కాలుజారి పడటంతో ఆయన ఎడమ తుంటికి గాయమైన విషయం తెలిసిందే. ఆప‌రేష‌న్ థియేట‌ర్‌కు కేసీఆర్‌ను త‌ర‌లించిన దృశ్యాలు బ‌య‌ట‌కు వ‌చ్చాయి. కేటీఆర్, హ‌రీశ్‌రావు, క‌విత, హిమాన్షు, ఎంపీ సంతోష్ కుమార్, ఎమ్మెల్యేలు జ‌గ‌దీశ్ రెడ్డి, వేముల ప్ర‌శాంత్ రెడ్డి, ప‌ల్లా రాజేశ్వ‌ర్ రెడ్డి, పాడి కౌశిక్ రెడ్డి, దానం నాగేంద‌ర్, మాజీ ఎమ్మెల్యే జీవ‌న్ రెడ్డితో పాటు ప‌లువురు బీఆర్ఎస్ నాయ‌కులు కేసీఆర్‌ను ప‌రామ‌ర్శించారు. అనంత‌రం కేసీఆర్‌ను ఆప‌రేష‌న్ థియేట‌ర్‌లోకి తరలించారు. కేసీఆర్ కాలు జారి ప‌డ‌డంతో గురువారం అర్ధరాత్రి సోమాజిగూడలోని యశోద దవాఖానకు తరలించారు. పరిశీలించిన వైద్యులు ఎడమ కాలి తుంటి ఎముక విరిగిందని నిర్ధారించారు. ప్రస్తుతం ఆయన ఆరోగ్య పరిస్థితి నిలకడగా ఉందని తెలిపారు. తుంటి ఎముక మార్పిడి చేయాలని, కోలుకోవడానికి 6 నుంచి 8 వారాలు పడుతుందని చెప్పారు. ప్రస్తుతం వైద్యుల పర్యవేక్షణలో ఉన్నారని వెల్లడించారు.
Visuals of kcr sir being shifted to operation theater https://t.co/ua95r9ctAv pic.twitter.com/RdhEtfRALy
— Sarita Avula (@SaritaTNews) December 8, 2023
Related posts:
వివేక్‌ ఇండ్లు, కార్యాలయాల్లో సోదాలపై ఈడీ ప్రకటన
తొమ్మిదిన్నరేళ్ల ప్రగతిపై కేటీఆర్ ప్రజెంటేషన్..
రూ 1000కోట్లు పంపిణీ చేశారు.. మరో 300కోట్లు సిద్ధంగా ఉంచారు : రేవంత్ రెడ్డి
బీజేపీకి వేసే ప్రతి ఓటు బీఆర్ఎస్కే లాభం : రేవంత్‌రెడ్డి
బీజేపీని ఓడించండి… సీపీఐ(ఎం) అభ్యర్థులను గెలిపించండి : తమ్మినేని
సమయం లేదు మిత్రమా..!