నవతెలంగాణ – ఆదిలాబాద్: వికసిత్ భారత్ కోసం తమ పార్టీ కృషి చేస్తోందని ప్రధాని నరేంద్ర మోడీ అన్నారు. ఆదిలాబాద్లో బీజేపీ ఆధ్వర్యంలో నిర్వహించిన ‘విజయ సంకల్ప సభ’లో ఆయన మాట్లాడారు. ఇది ఎన్నికల సభ కాదని.. అభివృద్ధి ఉత్సవమని చెప్పారు. 15 రోజుల్లో 5 ఎయిమ్స్ను ప్రారంభించినట్లు తెలిపారు. ఆదివాసీ మహిళను రాష్ట్రపతిని చేశామన్నారు. త్వరలో జరిగే లోక్సభ ఎన్నికల్లో బీజేపీ 400 సీట్లు గెలవాలన్నారు. కాంగ్రెస్, బీఆర్ఎస్ పై ఈ సందర్భంగా మోడీ పలు విమర్శలు చేశారు. ‘‘బీఆర్ఎస్ ప్రభుత్వం నిర్మించిన కాళేశ్వరం కుంగింది. ఈ విషయంలో ఆ పార్టీతో కాంగ్రెస్ కుమ్మక్కవుతోంది. గతంలో మీరు తిన్నారు.. ఇప్పుడు మేం తింటాం అన్నట్లు కాంగ్రెస్ పరిస్థితి ఉంది. బీఆర్ఎస్ పోయి కాంగ్రెస్ వచ్చినా పాలనలో ఎలాంటి మార్పు లేదు. రాష్ట్రంలో సమ్మక్క-సారక్క పేరుతో గిరిజన విశ్వవిద్యాలయాన్ని స్థాపించాం. 140 కోట్ల మంది ప్రజలే నా కుటుంబం. ప్రజల కలల సాకారం కోసం నేను పనిచేస్తా. మోడీ గ్యారంటీ అంటే.. కచ్చితంగా అమలయ్యే గ్యారంటీ. దేశంలో 7 మెగా టెక్స్టైల్ పార్కులు ఏర్పాటు చేయబోతున్నాం. అందులో ఒకటి తెలంగాణలో పెడతాం’’ అని మోడీ అన్నారు.
Related posts:
తెలంగాణ ఎన్నికలకు 106 మంది పరిశీలకులు .. ప్రకటించిన ఈసీ
కాంగ్రెస్, బీజేపీలపై మంత్రి కేటీఆర్ నిప్పులు
తుమ్మల నివాసానికి సీఎల్పీ నేత భట్టి
నేటీ నుంచి బీజేపీ ఎమ్మెల్యే అభ్యర్థుల దరఖాస్తు ప్రక్రియ ప్రారంభం
నేటి నుంచి కాంగ్రెస్ స్క్రీనింగ్ కమిటీ కార్యకలాపాలు ప్రారంభం
బీజేపీ, కాంగ్రెస్ పాలిత రాష్ట్రాల్లోనే విద్యుత్ లోటు: కేటీఆర్