‘నమో నమః శివాయ’..

'నమో నమః శివాయ'..నాగ చైతన్య నటిస్తున్న లవ్‌, యాక్షన్‌ ఎంటర్‌ టైనర్‌ ‘తండేల్‌’. చందూ మొండేటి దర్శకుడు. అల్లు అరవింద్‌ సమర్పణలో గీతా ఆర్ట్స్‌ బ్యానర్‌పై బన్నీ వాసు నిర్మిస్తున్నారు. ఇటీవల విడుదలైన ఫస్ట్‌ సింగిల్‌ ‘బుజ్జి తల్లి’ సెన్సేషనల్‌ హిట్‌ అయింది. దేవి శ్రీ ప్రసాద్‌ సంగీతం అందిస్తున్న ఈ సినిమాలో సాయి పల్లవి కథానాయికగా నటిస్తోంది. ప్రోమోతో ప్రేక్షకులను ఆకట్టుకున్న మేకర్స్‌ ఇప్పుడు ఎంతో ఆసక్తిగా ఎదురుచూస్తున్న సెకండ్‌ సింగిల్‌ ‘నమో నమః శివాయ’ లిరికల్‌ వీడియోను రిలీజ్‌ చేశారు. దేవి శ్రీ ప్రసాద్‌ కంపోజ్‌ చేసిన ఎలక్ట్రిఫైయింగ్‌ బీట్స్‌ ఆకట్టుపడేస్తున్నాయి. ట్రాక్‌ పవర్‌ ఫుల్‌, భక్తి వాతావరణాన్ని క్రియేట్‌ చేసింది. జొన్నవిత్తుల సాహిత్యం శివుని సర్వశక్తి, ఆధ్యాత్మికత సారాంశాన్ని అద్భుతంగా చూపించింది, అనురాగ్‌ కులకర్ణి వోకల్స్‌ డైనమిక్‌గా ఉన్నాయి. హరిప్రియ సోల్‌ ఫుల్‌ వోకల్స్‌తో ఆకట్టుకుంది. శేఖర్‌ మాస్టర్‌ కొరియోగ్రఫీ మరొక హైలైట్‌. డ్యాన్స్‌ ద్వారా భక్తి గాథను అందంగా వివరిస్తూ, శివునికి పవిత్రమైన బ్యాక్‌ డ్రాప్‌లో చేసిన కొరియోగ్రఫీ ఆకట్టుకుంది. ‘లవ్‌ స్టోరీ’లో తమ ఆన్‌-స్క్రీన్‌ కెమిస్ట్రీతో ప్రేక్షకులను ఆకట్టుకున్న లీడ్‌ పెయిర్‌ నాగ చైతన్య, సాయి పల్లవి ఈ పాటలో మెస్మరైజ్‌ చేశారు. ఈ సినిమా ఫిబ్రవరి 7న విడుదల కానుంది అని చిత్ర యూనిట్‌ తెలిపింది.

Spread the love