ఇటీవలి కాలంలో కుటుంబ కథా చిత్రాలు, కామెడీ ఎంటర్‌టైనర్స్‌ కరువై పోయాయి. ఆ లోటును భర్తీ చేస్తూ ‘ప్లాంట్‌ మ్యాన్‌’ అన్ని వర్గాల ప్రేక్షకుల్ని ఎంటర్‌టైన్‌ చేసేందుకు వస్తోంది. ‘కాలింగ్‌ బెల్‌, రాక్షసి’ వంటి హర్రర్‌ మూవీస్‌తో ఆడియన్స్‌ని థ్రిల్‌ చేసిన డైరెక్టర్‌ పన్నా రాయల్‌ ఇప్పుడు నిర్మాతగా డి.ఎం.యూనివర్సల్‌ స్టూడియోస్‌ అనే చిత్ర నిర్మాణ సంస్థను స్థాపించి కొత్త దర్శకులకు అవకాశం ఇవ్వాలన్న ఉద్దేశంతో కె.సంతోష్‌బాబును దర్శకుడిగా పరిచయం చేస్తూ ఈ చిత్రాన్ని నిర్మించారు. ఈ సినిమాకి పన్నా రాయల్‌ దర్శకత్వ పర్యవేక్షణ చేశారు. తాజాగా ఈ సినిమా సెన్సార్‌ పూర్తి చేసుకుని యు/ఎ సర్టిఫికెల్‌ పొందింది. జనవరి 5న ఈ సినిమాను రిలీజ్‌ చేసేందుకు సన్నాహాలు చేస్తున్నారు. ఈ సందర్భంగా నిర్మాత పన్నా రాయల్‌ మాట్లాడుతూ, ‘సినిమా చాలా బాగా వచ్చింది. కుటుంబ సమేతంగా చూసి ఎంజారు చేసే విధంగా సినిమా ఉంటుంది. ఇప్పటివరకు ఏ సినిమాలో కనిపించని ఓ కొత్త ఎలిమెంట్‌ ఈ సినిమాలో ఉంది. అది సినిమా చూస్తేనే తెలుస్తుంది. జనవరి 5న ఈ సినిమాను రిలీజ్‌ చేస్తున్నాం. ఈ సినిమా విజయం సాధించి, అందరికీ మంచి పేరు తెస్తుందని ఆశిస్తున్నాను’ అని తెలిపారు. చంద్రశేఖర్‌, సోనాలి పాణిగ్రాహి, అశోక్‌ వర్థన్‌, యాదం రాజు, అప్పారావు, బేబీ ప్రేక్షిత, అక్కం బాలరాజు, చలపతిరావు, తడివేలు, బాలరాజ్‌, లక్ష్మీకిరణ్‌, శేఖర్‌, వీరభద్రం, శ్రీకుమారి, మురళీకష్ణ, వాణిశ్రీ, బిందు, సరస్వతి, జగపతి నటిస్తున్న ఈ చిత్రానికి సినిమాటోగ్రఫీ: పి.ఎస్‌.మణికర్ణన్‌, బ్యాక్‌గ్రౌండ్‌ మ్యూజిక్‌: వినోద్‌ యాజమాన్య, సంగీతం: ఆనంద బాలాజీ, ఎడిటింగ్‌: ఎస్‌.కె.చలం, మాటలు: సాయికష్ణ వెలిశెట్టి, పన్నారాయల్‌, పాటలు: ఈశ్వర్‌ హేమకాంత్‌, సింగర్స్‌: కుమార వాగ్దేవి, రోహిత్‌ శ్రీనివాసన్‌.
