ఈ ఆధునిక యుగంలో, మనం అనేక దీర్ఘకాలిక వ్యాధులను చూస్తున్నాం. మన శరీరం అనేక రకాల ప్రభావాలను ఎదుర్కొంటుంది. మారుతున్న జీవనశైలి, పొల్యూషన్‌, పోషకాహార లోపం, మానసిక ఒత్తిడి వంటి అనేక కారణాల వల్ల దీర్ఘకాలిక వ్యాధులు పెరుగుతున్నాయి. అందులో ప్రధానమైనది గట్‌ డైస్బియోసిస్‌.
గట్‌ డైస్బియోసిస్‌ గ్యాస్ట్రోఇంటెస్టినల్‌ ట్రాక్టులో నివసించే సూక్ష్మజీవుల వైవిధ్యభరిత సముదాయమైన గట్‌ మైక్రోబయోటాలో ఉన్న అసమతుల్యత. ఈ అసమతుల్యత ముఖ్యమైన శరీర కార్యకలాపాలను, అనగా జీర్ణశక్తి, మెటబాలిజం, రోగనిరోధక వ్యవస్థ నియంత్రణను ప్రభావితం చేస్తుంది. తాజా పరిశోధనల ప్రకారం, గట్‌ డైస్బియోసిస్‌ అనేక ఆరోగ్య సమస్యలతో సంబంధం కలిగి ఉంది. అందులో ప్రాచుర్యం పొందినవి ఇన్‌ఫ్లమేటరీ బౌల్‌ డిసీజెస్‌ , ఒబేసిటీ, డయాబెటిస్‌, కార్డియోవాస్క్యులర్‌ రోగాలు, న్యూరోలాజికల్‌ డిసీజెస్‌ ఉత్పన్నమవుతాయి. ఈ వ్యాధులన్నీ ఒక్కరోజులో రావు. ఇవి శరీరంలో తీరని అసమతుల్యత వల్ల ఉత్పన్నమవుతాయి.
గట్‌ డైస్బియోసిస్‌కు కారణాలు:
అసమతుల ఆహారం: మన పేగులలోని సూక్ష్మజీవులు శరీర ఆరోగ్యానికి కీలకం. ఇవి ఆహారం జీర్ణం చేయడం, రోగనిరోధక శక్తిని పెంచడం, హార్మోన్ల సమతుల్యతను నిర్వహించడంలో సహాయపడతాయి. కానీ ప్రాసెస్డ్‌ ఫుడ్‌, తక్కువ ఫైబర్‌ కలిగిన ఆహారం శరీరంలో వాపు పెంచుతుంది. సూక్ష్మజీవుల అసమతుల్యత (డిస్బయోసిస్‌) కలిగిస్తుంది.
ప్రోటీన్లు, విటమిన్లు, మినరల్స్‌, నూనెలు సరిగ్గా లేని ఆహారం మైక్రోబయోమ్‌ను ప్రభావితం చేస్తాయి. రోగనిరోధక శక్తిని దెబ్బతీస్తాయి.
ఆంటిబయోటిక్స్‌ వినియోగం: యాంటీబయోటిక్స్‌, మందులు, కాలుష్యం, జెనోబయోటిక్స్‌ (రసాయనాలు, కత్రిమ పదార్థాలు), పరిశుభ్రత లోపం మన జీవకణాలు, మైక్రోబయోమ్‌ను ప్రభావితం చేస్తాయి. ఇది డయాబెటిస్‌, ఆటోఇమ్యూన్‌ రోగాలు, డిప్రెషన్‌ వంటి సమస్యలకు దారితీస్తుంది.
ఎక్కువకాలం లేదా అనవసరంగా ఆంటిబయోటిక్స్‌ తీసుకోవడం వల్ల, అవి మంచి మైక్రోబయోటాను కూడా నశింపజేస్తాయి. ఇది డైస్బియోసిస్‌ను కలిగించే అవకాశం ఉంటుంది.
మెంటల్‌ ఒత్తిడి: శారీరక, మానసిక ఒత్తిడి గట్‌ ఫంక్షన్లను ప్రభావితం చేయగలదు, ఇది గట్‌ మైక్రోబయోటా అసమతుల్యతకు దారితీస్తుంది. దీని వల్ల గ్యాస్ట్రోఇంటెస్టినల్‌ సమస్యలు, ఇన్‌ఫ్లమేటరీ ప్రక్రియలు ఉత్పత్తి అవుతాయి.
స్వల్ప నిద్ర:
నిద్రలేమి లేదా అనారోగ్యకరమైన నిద్ర అలవాట్లు గట్‌ మైక్రోబియోటా పై ప్రతికూల ప్రభావం చూపించవచ్చు. ఇది అనేక ఆరోగ్య సమస్యలకు కారణం కావచ్చు..
వయస్సు: వయస్సు పెరిగేకొద్దీ గట్‌ మైక్రోబియోటా మారవచ్చు. పెద్దవారిలో, మైక్రోబియోటా కాంపోజిషన్‌లో మార్పులు చోటు చేసుకోవచ్చు. ఇది డైస్బియోసిస్‌కు దారితీస్తుంది.
జీవనశైలి, శారీరక వ్యాయామం: శారీరక వ్యాయామం లేకపోవడం, అదేపనిగా ఎక్కువ సేపు కూర్చోవడం కూడా గట్‌ ఆరోగ్యంపై ప్రతికూల ప్రభావం చూపించవచ్చు.
గట్‌ డైస్బియోసిస్‌ ప్రభావాలు:
ఇన్‌ఫ్లమేటరీ బౌల్‌ డిసీజెస్‌:
డైస్బియోసిస్‌, క్రోన్‌’స్‌ వ్యాధి, అల్సరేటివ్‌ కొలైటిస్‌ వంటి పరిస్థితులకు సంబంధించబడి ఉంటుంది. ఇక్కడ అసమతుల్యత గల మైక్రోబయోటా అనైక్యమైన ఇమ్యూన్‌ రెస్పాన్స్‌లను ఉత్పత్తి చేస్తుంది. దీని ఫలితంగా గ్యాస్ట్రోఇంటెస్టినల్‌ ట్రాక్టులో దీర్ఘకాలిక రోగాలు ఏర్పడతాయి.
మెటాబొలిక్‌ డిసీజెస్‌: పరిశోధనల ప్రకారం, గట్‌ మైక్రోబయోటా నిర్మాణం ఒబేసిటీ, డయాబెటిస్‌ వంటి మెటాబాలిక్‌ పరిస్థితులకు సంబంధం కలిగి ఉంది. కొన్ని సూక్ష్మజీవి సమూహాలు ఆహారం నుండి శక్తిని స్వీకరించడాన్ని ప్రభావితం చేస్తాయి, ఇన్సులిన్‌ సెన్సిటివిటీని మోడ్యులేట్‌ చేస్తాయి.
కార్డియోవాస్క్యులర్‌ ఆరోగ్యం: ఒక సమగ్ర సమీక్షలో, గట్‌ డైస్బియోసిస్‌ ట్రైమిథైలామైన్‌ చీ-ఆక్సైడ్‌ వంటి మెటాబోలైట్లు ఉత్పత్తి చేయడం ద్వారా కార్డియోవాస్క్యులర్‌ రోగాలకు దోహదపడుతుంది. ఈ మెటాబోలైట్లు లిపిడ్‌ మెటాబొలిజాన్ని ప్రభావితం చేసి అథెరోస్క్లెరోసిస్‌ను ప్రేరేపిస్తాయి.
న్యూరోలాజికల్‌ ప్రభావాలు: గట్‌-బ్రెయిన్‌ అక్షమ్‌ గట్‌ మైక్రోబయోటా మెదడు పనితీరు మధ్య సంబంధాన్ని సూచిస్తుంది. డైస్బియోసిస్‌ అనేది డిప్రెషన్‌, ఆందోళన అల్జీమర్స్‌ వంటి న్యూరోలాజికల్‌ డిసీజెస్‌తో సంబంధం కలిగి ఉంది. ఇది సూక్ష్మజీవుల అసమతుల్యత మెదడు ఆరోగ్యంపై ప్రభావం చూపగలదని సూచిస్తుంది
సమగ్ర వైద్య పరిష్కారాలు:
ప్రీబయాటిక్‌, ప్రోబయాటిక్‌ ఆహారాలు: హొ పెరుగు, లస్సీ, బాజ్రా రోటీ, పెరుగు, ధోఖ్లా , ఇడ్లీ, దోస, ఊత్తపం వంటి ఫెర్మెంటెడ్‌ ఆహార పదార్థాలు గట్లో మంచి చేసే బ్యాక్టీరియాను పెంచుతాయి
ఫైబర్‌ ఎక్కువగా ఉన్న ఆహారాలు: హొఓట్స్‌, పండ్లు. ధాన్యాలు, పండ్లు, కూరగాయలు తినడం వల్ల మంచి బ్యాక్టీరియా పెరుగుతుంది. జీర్ణ సమస్యలు తగ్గుతాయి.
ఆయుర్వేద, నాచురల్‌ సప్లిమెంట్స్‌:హొ ఆయుర్వేద చికిత్స, ప్రకతి సిద్ధమైన మూలికలు, ఔషధాలు, (సప్లిమెంట్స్‌) ఆహారంతో పాటు తీసుకోవడం వల్ల గట్‌ని డెక్సాట్‌హొ చేసిహొ మంచి చేసే బ్యాక్టీరియాను పెంచుతాయి. ఆరోగ్యాన్ని మళ్లీ సమతుల్యం చేస్తుంది.
ఆంటీఆక్సిడెంట్‌ ఎక్కువగా ఉన్న ఆహారాలు:హొబెర్రీలు, కివి, టమాటా, బాదం.
హోలిస్టిక్‌, ఫంక్షనల్‌ మెడిసిన్‌: హోలిస్టిక్‌ థెరపీ, మెడిటేషన్‌ మైండ్‌ఫుల్‌నెస్‌ శరీరంలోని ఆక్సిజన్‌ సరఫరాను మెరుగుపరుస్తుంది. ఎనర్జీ హీలింగ్‌) బయో ఎనర్జీ ఫ్రీక్వెన్సీ ఒత్తిడిని తగ్గించి హోలిస్టిక్‌గా ఆరోగ్యాన్ని మెరుగుపరుస్తుంది.
కౌన్సిలింగ్‌: హొ సైకలాజికల్‌ కౌన్సిలింగ్‌ మానసిక భావోద్వేగ సంక్షోభాలను మెరుగుపరుస్తాయి.
శరీర వ్యాయామం : వాకింగ్‌, జాగింగ్‌, యోగా, ప్రాణాయామం వంటి విధానాలు శరీరాన్ని మాత్రమే కాదు, మనసును కూడా శాంతిగా చేసి, ఒత్తిడి, ఆందోళన, డిప్రెషన్‌ లాంటి సమస్యలను తగ్గిస్తుంది.
ముగింపు
సాధారణ వైద్య పద్ధతులు ఈ సమస్యలకు మందులు మాత్రమే ఇస్తాయి. కానీహొసమగ్ర వైద్యం హొఈ మూల కారణాలను గుర్తించి, సహజ, సమగ్ర పరిష్కారాలను అందిస్తుంది. సమగ్ర వైద్యం శరీరం, మానసిక స్థితి, జీవనశైలి, పోషకాహారం, శారీరక శ్రమను కలిపి మూల కారణాన్ని నివారించే విధంగా పనిచేస్తుంది. ఈ విధానంగా సమగ్ర వైద్యం ద్వారా మనం దీర్ఘకాలిక ఆరోగ్యాన్ని సాధించవచ్చు.
‘ఆరోగ్యమే పరమ సంపద’.హొసహజ, సమగ్ర చికిత్సల ద్వారా దీర్ఘకాలిక సమస్త్యలను నివారించి, హోలిస్టిక్‌గా ఆరోగ్యాన్ని పునరుద్ధరించుకోండి!
మరో మూల కారణంతో, వచ్చేవారం మళ్ళీ కలుద్దాం.
Dr.Prathusha. Nerella
MD(General Medicine) CCEBDM; CCGDM; NLP; FID
Senior General Physician, Positive Psychologist certified Nutritionist, Diabetes And Lifestyle Expert, Pranic Healer Chiief Holistic Health Consultant And Medical Director @ Praveha General, Diabetes And Lifestyle Clinic – A Holistic Centre With Integrated Approach. Ph: 8897684912/040-49950314
