సుధీర్‌ కథానాయకుడిగా నటించిన తాజా చిత్రం ‘కాలింగ్‌ సహస్ర’. షాడో మీడియా ప్రొడక్షన్స్‌, రాధా ఆర్ట్స్‌ పతాకాలపై అరుణ్‌ విక్కిరాలా దర్శకత్వంలో విజేష్‌ తయాల్‌, చిరంజీవి పమిడి, వెంకటేశ్వర్లు కాటూరి ఈ సినిమాను నిర్మిస్తున్నారు. సుధీర్‌ సరసన డాలీషా హీరోయిన్‌గా నటిస్తోంది. ఈ చిత్రాన్ని డిసెంబర్‌ 1న గ్రాండ్‌ రిలీజ్‌ చేస్తున్నారు.
ఈ సందర్భంగా నిర్మాతలు మాట్లాడుతూ, ‘మా సినిమా అవుట్‌ఫుట్‌ బాగా వచ్చింది. సినిమాపై మంచి ఎక్స్‌పెక్టేషన్స్‌ ఉన్నాయి. రీసెంట్‌గా రిలీజ్‌ చేసిన రెండు పాటలు, టీజర్‌కు ఎక్స్‌ట్రార్డినరీ రెస్పాన్స్‌ను రాబట్టు కున్నాయి. డిసెంబర్‌ 1న వరల్డ్‌ వైడ్‌గా ఈ చిత్రాన్ని గ్రాండ్‌ లెవల్లో రిలీజ్‌ చేస్తున్నాం. డైరెక్టర్‌ అరుణ్‌ సినిమాను తెరకెక్కించిన తీరు సర్‌ప్రైజింగ్‌గా అనిపించింది. సుధీర్‌కి ఉన్న ఫ్యాన్‌ ఫాలోయింగ్‌ గురించి ప్రత్యేకంగా చెప్పనక్కర్లేదు. అందరినీ అంచనాలను మించేలా సుధీర్‌ను సరికొత్త కోణంలో ప్రెజంట్‌ చేసేలా ఇందులో ఆయన క్యారెక్టర్‌ ఉంటుంది. అన్నీ ఎలిమెంట్స్‌ ఉన్న మూవీ ఇది. తప్పకుండా ప్రేక్షకులను మెప్పిస్తుందని భావిస్తున్నాం. మూవీ ఓ కొత్త ఎక్స్‌పీరియెన్స్‌ని ఇస్తుంది’ అని అన్నారు.
ఆనంద్‌ బయానా, శివబాలాజీ మనోహరన్‌, రవితేజ నన్నిమాల తదితరులు నటిస్తున్న ఈ చిత్రానికి సంగీతం : మోహిత్‌ రెహమానియక్‌, బ్యాగ్రౌండ్‌ స్కోర్‌ : మార్క్‌ కె రాబిన్‌, సినిమాటోగ్రఫీ : సన్నిడి, ఎడిటర్‌ : గ్యారీ బి.హెచ్‌.
