నవతెలంగాణ హైదరాబాద్: ప్రముఖ జ్యువెలరీ బ్రాండ్ తనిష్క్, దక్షిణ భారతదేశం కోసం తన నూతన ప్రచారకర్తగా (Brand Ambassador) కన్నడ నటి రుక్మిణి వసంత్ను ఎంచుకుంది. సంప్రదాయ. ఆధునికత కలబోసిన దక్షిణ భారత మహిళా శక్తికి ఆమెను ప్రతీకగా తనిష్క్ పరిచయం చేసింది. పచ్చలు, కెంపులు, నీలమణి వంటి సహజ రత్నాలతో రూపొందించిన ‘హ్యూస్’ కలెక్షన్ ప్రచారంలో ఆమె భాగస్వామ్యం ఈ బ్రాండ్కు కొత్త ఊపును ఇవ్వనుంది. ఈ అక్షయ తృతీయ వేళ, కేవలం పెట్టుబడి కోణంలోనే కాకుండా, నిత్యజీవితంలో ఫ్యాషన్గా ధరించేలా ఈ ఆభరణాలను తీర్చిదిద్దారు.
తనిష్క్ ఆవిష్కరించిన ఈ కొత్త శ్రేణిలో రత్నాలే ప్రధాన ఆకర్షణ. కచ్చితమైన కోతలతో కూడిన కాబోచాన్-కట్ రాళ్లను వాడటం వల్ల ఈ ఆభరణాలకు ఒక విలక్షణమైన శిల్పకళా సౌందర్యం లభించింది. పచ్చలు, నీలమణి, సిట్రిన్ వంటి విలువైన సహజ రత్నాలను ఎంతో నాణ్యతా ప్రమాణాలతో ఎంపిక చేశారు. ఈ కలెక్షన్లో కేవలం భారీ నెక్ పీస్లే కాకుండా, రోజువారీ కార్యాలయాలకు లేదా చిన్న చిన్న వేడుకలకు ధరించేలా లైట్ వెయిట్ ఉంగరాలు, చెవిరింగులు, పెండెంట్ సెట్లను కూడా రూపొందించారు. వీటి ప్రారంభ ధర రూ. 35,000గా నిర్ణయించి, మధ్యతరగతి, ఎగువ మధ్యతరగతి వినియోగదారులకు అందుబాటులోకి తెచ్చారు.
ఈ అక్షయ తృతీయను పురస్కరించుకుని తనిష్క్ తన వినియోగదారుల కోసం ఆకర్షణీయమైన ఆఫర్లను ప్రకటించింది. ఆభరణాల తయారీ ఛార్జీల (Making Charges)పై 20% వరకు తగ్గింపుతో పాటు, బంగారు ఆభరణాల కొనుగోలుపై ప్రతి గ్రాముకు రూ. 201 ఫ్లాట్ డిస్కౌంట్ను అందిస్తోంది. అలాగే, పాత బంగారాన్ని ఎక్స్ఛేంజ్ చేసుకునే ‘ఫెస్టివల్ ఆఫ్ ఎక్స్ఛేంజ్’ సౌకర్యం కూడా అందుబాటులో ఉంది. ఆధునిక భారతీయ మహిళ తన వ్యక్తిత్వాన్ని చాటుకునేలా, తన మానసిక స్థితికిఅనుగుణంగా రంగురంగుల రత్నాలను ధరించేలా ఈ ప్రచారాన్ని తనిష్క్ రూపొందించింది.
