అడిగిన ప్రతి ఒక్కరికీ జాబ్‌ కార్డు ద్వారా ఉపాధి హామీ పథకం కింద పని కల్పిస్తామని ఎంపీడీవో వేణుమాధవ్ అన్నారు. బుధవారం స్థానిక ఎంపీడీవో కార్యాలయంలో ఆయన ఈజీఎస్, తాగునీటి పై సమీక్ష సమావేశం నిర్వహించారు. ఈ సందర్భంగా ఎంపీడీవో మాట్లాడుతూ.. ఉపాధి లేదంటూ ఏ ఒక్క కూలీ ప్రశ్నించకుండా, దరఖాస్తు చేసిన ప్రతి కూలీకి ఉపాధి కల్పిస్తామన్నారు. కూలీలకు ప్రతి వారం విధిగా వేతనాలందేట్లుగా చర్యలు తీసుకుంటున్నామని తెలిపారు. వేతనాలు అందలేదనే సమస్య ఎట్టి పరిస్థితుల్లో రాకుండా ప్రత్యేక చర్యలు తీసుకుంటున్నామన్నారు. గ్రామాల్లోని పల్లె ప్రకృతివనాల్లో ఒక్క మొక్క కూడా ఎండిపోకుండా తగు చర్యలు తీసుకోవాలని సిబ్బందిని, పంచాయతీ కార్యదర్శులను ఆదేశించినట్లు తెలిపారు. వేసవి కాలం దృష్టిలో ఉంచుకుని గ్రామాల్లో తాగునీటి ఎద్దడి నివారణకు చర్యలు తీసుకోవాలని సూచించారు. కార్యక్రమంలో పంచాయతీ కార్యదర్శులు, టీఏలు తదితరులు పాల్గొన్నారు.

విద్యారంగంపై పాలకుల అనుసరిస్తున్న నిర్లక్ష్య వైఖరి తగదని టీపీటీఎఫ్ మండలాధ్యక్షుడు చిక్కాల సతీష్, జిల్లా కార్యదర్శి సోమారపు ఐలయ్య అన్నారు. ఖమ్మం జిల్లాలో నిర్వహించిన టీపీటీఎఫ్ రాష్ట్ర ద్వితీయ విద్యా, వైజ్ఞానిక మహాసభలకు ఆదివారం తరలివెళ్లారు. ఈ సందర్భంగా వారు మాట్లాడుతూ.. కేంద్ర ప్రభుత్వం ప్రవేశ పెట్టిన నూతన విద్యా విధానం విద్యలో ప్రైవేటీకరణ బలోపేతం అయ్యే విధంగా ఉందన్నారు. సిలబస్ హేతుబద్దీకరన పేరుతో విద్యలో అశాస్త్రీయ అంశాలను చూపిస్తున్నారని విమర్శించారు. తెలంగాణ రాష్టం వచ్చిన తర్వాత ఉపాధ్యాయులకు సంబంధించి ఏ సమస్య పరిష్కారం కాలేదన్నారు. రాష్ట్ర ప్రభుత్వం మేనిఫెస్టో లో ప్రకటించిన విధంగా విద్యా రంగ హామీలన్నీ త్వరితగతిన అమలు చేయాలని డిమాండ్ చేశారు. కార్యక్రమంలో టీపీటీఎఫ్ మండల ప్రధాన కార్యదర్శి ధరావత్ దేవేందర్ నాయక్, సురేందర్ కుమార్, చింతల సురేష్, శ్రీనివాస్, ఆంజనేయులు, యుగేందర్ తదితరులు పాల్గొన్నారు.

టీపీటీఎఫ్ రాష్ట్ర విద్యా వైజ్ఞానిక మహాసభలను విజయవంతం చేయాలని ఆ సంఘం మండలాధ్యక్షుడు చిక్కాల సతీష్, జిల్లా కార్యదర్శి సోమారపు ఐలయ్య అన్నారు. సోమవారం మండలంలోని కస్తూర్బా గాంధీ బాలికల విద్యాలయంలో విద్యా వైజ్ఞానిక మహాసభలకు సంబంధించిన పోస్టర్ ఉపాధ్యాయునీలతో కలిసి ఆవిష్కరించారు. అనంతరం వారు మాట్లాడుతూ.. ఫిబ్రవరి 11, 12 తేదీలలో ఖమ్మంలో జరుగు ద్వితీయ విద్యా వైజ్ఞానిక మహాసభలకు ఉపాధ్యాయులు, మేధావులు,అధిక సంఖ్యలో హాజరై విజయవంతం చేయాలని పిలుపునిచ్చారు. 317 జీవో వల్ల స్థానికత కోల్పోయిన టీచర్లకు ప్రభుత్వం న్యాయం చేయాలని, సీపీఎస్ విధానాన్ని రద్దు చేయాలని ప్రభుత్వాన్ని డిమాండ్ చేశారు. కేజీబీవీ టీచర్లను రెగ్యులరైజ్ చేయాలని, ప్రభుత్వాన్ని డిమాండ్ చేశారు. “అంతరాలు లేని విద్య ప్రజల హక్కు ప్రభుత్వ బాధ్యత”ప్రధాన అంశంగా ఈ విద్యా వైజ్ఞానిక మహాసభలు నిర్వహిస్తున్నామని , అసమాన సమాజంలో సమానత్వ విద్య, మహిళల స్థితిగతులు కర్తవ్యాలు, ప్రభుత్వ విధానాలు ఆర్థిక సంక్షోభం అను అంశాలపై ప్రొఫెసర్ హరగోపాల్, ప్రొఫెసర్ సి కాశీం ,బుర్ర రమేష్ ,ఏ నరసింహారెడ్డి, చందన చక్రవర్తి, ఎన్.వేణుగోపాల్ తదితరులు ప్రసంగించనున్నారని తెలిపారు. మహాసభలకు ముఖ్య అతిథులుగా రాష్ట్ర  ఉపముఖ్యమంత్రి మల్లు భట్టి విక్రమార్క, మంత్రులు పొంగులేటి శ్రీనివాస్ రెడ్డి, ధనసరి సీతక్క, తుమ్మల నాగేశ్వరరావు హాజరుకానున్నారు. కార్యక్రమంలో మండల నాయకులు యుగేందర్, సురేష్, వెంకటేశ్వర్లు, శ్రీనివాస్, మురళి, వెంకటేశం, కేజీబీవీ పాఠశాల ఎస్ఓ స్రవంతి, ఉపాధ్యాయులు స్రవంతి, సైదమ్మ, కళ్యాణి, సరిత, శ్రీలత, సంధ్య రాణి, సత్యవతి తదితరులు పాల్గొన్నారు.

రాష్ట్రంలోని క్రైస్తవుల సంక్షేమానికి కృషి చేస్తానని కాంగ్రెస్ రాష్ట్ర ఎస్సీ సెల్ కోఆర్డినేటర్, సెయింట్ పాల్ పాఠశాల అదినేత ఆనంద్ కుమార్ అన్నారు. శనివారం మండల కేంద్రంలో పాలకుర్తి నియోజకవర్గం ఫాస్టర్ ఫెలోషిప్ ను థామస్ అధ్యక్షతన నిర్వహించారు. ఈ సందర్భంగా ఆయన మాట్లాడుతూ.. పని చేసే కాంగ్రెస్ ప్రభుత్వానికి క్రైస్తవులు అండగా నిలవాలన్నారు. రాష్ట్రంలో అన్ని వర్గాల ప్రజలకు సంక్షేమ ఫలాలను రేవంత్ రెడ్డి ప్రభుత్వం అందిస్తుందని ఆశాభావం వ్యక్తం చేశారు. పదేళ్ల పాలనలో బీఆర్ఎస్, బీజేపీ లు క్రైస్తవులకు చేసింది ఏమీ లేదని విమర్శించారు. క్రైస్తవ సమాజానికి ఎల్లప్పుడూ అండగా ఉంటానని హామీ ఇచ్చారు.‌రాబోయే వరంగల్ పార్లమెంట్ నియోజకవర్గం ఎన్నికల్లో కాంగ్రెస్ పార్టీని భారీ మెజారిటీ తో గెలిపించాలని కోరారు.‌ ఈ సందర్భంగా క్రైస్తవ సోదరులు మాట్లాడుతూ.. రాబోయే పార్లమెంట్ ఎన్నికల్లో వరంగల్ ఎంపీ టికెట్ ఆనంద్ కుమార్ కు ఇవ్వాలని డిమాండ్ చేశారు. కార్యక్రమంలో కార్యక్రమంలో మార్టిన్ లూతన్, రెవ, గడ్డం ప్రతాప్, జలగం జాషువా, దండుగుల సుధాకర్, ఎడ్ల వెంకటరత్నం, రడపొక ఆనందం తదితరులు పాల్గొన్నారు.

రాబోయే వేసవిని దృష్టిలో ఉంచుకొని గ్రామాల్లో నీటి కొరత లేకుండా చూడాలని ఎంపీడీవో వేణుగోపాల్ రెడ్డి, తహశీల్దార్ వీరంగటి మహేందర్ అన్నారు. శుక్రవారం పంచాయతీ ప్రత్యేక అధికారులతో వారు ఎంపీడీవో కార్యాలయంలో సమీక్ష సమావేశం నిర్వహించారు. ఈ సందర్భంగా వారు మాట్లాడుతూ.. గ్రామాల అభివృద్ధికి ప్రత్యేక అధికారులు ప్రత్యేక చొరవ చూపాలన్నారు.పెండింగ్లో ఉన్న మల్టీపర్పస్ వర్కర్స్ వేతనాలు చెల్లింపు కోసం అధికారులు కృషి చేయాలన్నారు. కార్యక్రమంలో మండల పంచాయతీ అధికారి సత్యనారాయణ, పీఆర్ ఏఈ దయాకర్, మిషన్ భగీరథ ఏఈ యాకుబ్ పాషా, ఇరిగేషన్ ఏఈఈ స్వాతి, లక్ష్మి, గెజిటెడ్ ప్రధానోపాధ్యాయులు శ్రీనివాస్, విజయకుమార్, కళాధర్, శేషవల్లి తదితరులు పాల్గొన్నారు.

క్రీడలతో మానసిక ఉల్లాసం లభిస్తుందని ఎస్సై పిల్లల రాజు అన్నారు. యూత్ కాంగ్రెస్ ఆధ్వర్యంలో మండల కేంద్రంలో మంగళవారం నిర్వహించిన క్రికెట్ ఫైనల్ మ్యాచ్ నిర్వహణకు ఆయన ముఖ్య అతిథిగా హాజరై మాట్లాడారు. క్రీడలతో యువతకు మంచి భవిష్యత్‌ ఉంటుందని, స్పోర్ట్స్‌ కోటాలో ఉన్నత ఉద్యోగాలు సాధించవచ్చని తెలిపారు. క్రీడాకారులు గెలుపోటములను ఒకే విధంగా తీసుకుని క్రీడా స్ఫూర్తిని చాటాలన్నారు. గ్రామీణ ప్రాంతాల్లో క్రీడలను ప్రోత్సహించాలని అన్నారు. క్రీడాకారులు జిల్లా, రాష్ట్ర, జాతీయస్థాయిలో రాణించి గుర్తింపును సాధించాలన్నారు. కాగా కడగుట్ట తండా ప్రథమ స్థానం, చిట్యాల ద్వితీయ స్థానంలో నిలిచినట్లు క్రీడా నిర్వాహకులు తెలిపారు. కార్యక్రమంలో కాంగ్రెస్ మండల ఉపాధ్యక్షుడు రంగు మురళి గౌడ్, యూత్ కాంగ్రెస్ మండల అధ్యక్షుడు బీసు హరికృష్ణ గౌడ్, పెద్దవంగర గ్రామ పార్టీ అధ్యక్షుడు గద్దల ఉప్పలయ్య, యూత్ ప్రధాన కార్యదర్శి ఆవుల మహేష్, రామ్ చరణ్ తదితరులు పాల్గొన్నారు.

రాష్ట్రంలో ప్రజా సంక్షేమమే ధ్యేయంగా కాంగ్రెస్ ప్రభుత్వం ముందుకెళ్తుందని పాలకుర్తి ఎమ్మెల్యే మామిడాల యశస్విని రెడ్డి, నియోజకవర్గ కాంగ్రెస్ ఇంచార్జి హనుమండ్ల ఝాన్సీ రాజేందర్ రెడ్డి అన్నారు. వడ్డెకొత్తపల్లి గ్రామంలో నూతన గ్రామపంచాయతీ భవనాన్ని సోమవారం ఎంపీపీ ఈదురు రాజేశ్వరి ఐలయ్య, సర్పంచ్ నెమరుగొమ్ముల ప్రవీణ్ రావు, ఎంపీటీసీ సభ్యులు సాయిని ఝాన్సీ రవితో కలిసి ప్రారంభించారు. అనంతరం కల్యాణలక్ష్మి లబ్ధిదారులకు చెక్కులు పంపిణీ చేసి, మాట్లాడారు. రాష్ట్రంలో కాంగ్రెస్‌ ప్రభుత్వం ప్రజలకు ఇచ్చిన ఆరు గ్యారంటీలను  అమలు చేస్తామని తెలిపారు. నియోజవర్గంలో మిగిలిపోయిన అన్ని గ్రామాలకు సీసీ రోడ్లు, అభివృద్ధి పనులు పూర్తి చేసేందుకు కృషి చేస్తామని తెలిపారు. గ్రామాలు దేశానికి పట్టుకొమ్మలు అని, గ్రామాల అభివృద్ధికి ప్రత్యేక చొరవ చూపుతానని అన్నారు. ఎన్నికల్లో కాంగ్రెస్ పార్టీ ప్రజలకు ఇచ్చిన హామీలను పక్కాగా అమలు చేస్తుందని చెప్పారు.  అర్హులైన పేదలకు ప్రభుత్వ సంక్షేమ పథకాలను అందేలా చూడాలని అధికారులకు సూచించారు. త్వరలోనే ఇందిరమ్మ కమిటీలు ఏర్పాటు చేస్తామని అన్నారు. పేదింటి ఆడబిడ్డలకు రేవంత్ రెడ్డి ప్రభుత్వం ఆర్థిక చేయూతను అందిస్తుందన్నారు. ఆడబిడ్డల వివాహానికి లక్ష 116 సాయం తో పాటుగా, తులం బంగారాన్ని కూడా త్వరలోనే అందించనున్నట్లు ఎమ్మెల్యే తెలిపారు. సమస్యల పరిష్కారానికి ప్రజలు తనను నేరుగా కలవాలని అన్నారు. ప్రభుత్వ పథకాలను ప్రజలు సద్వినియోగం చేసుకోవాలన్నారు. కార్యక్రమంలో తహశీల్దార్ వీరంగటి మహేందర్, ఎంపీడీవో వేణుగోపాల్ రెడ్డి, కాంగ్రెస్ మండల ఉపాధ్యక్షుడు రంగు మురళి గౌడ్, ప్రధాన కార్యదర్శి పొడిశెట్టి సైదులు గౌడ్, సీనియర్ నాయకులు జాటోత్ నెహ్రు నాయక్, దుంపల కుమారస్వామి, బండారి వెంకన్న, దంతాలపల్లి రవి, దంతాలపల్లి ఉపేందర్, బానోత్ వెంకన్న నాయక్, పట్టణ అధ్యక్షుడు అనపురం శ్రీనివాస్ గౌడ్, ఎస్టీ సెల్ మండల అధ్యక్షుడు బానోత్ సీతారాం నాయక్, రెడ్డికుంట తండా సర్పంచ్ బానోత్ జగ్గా నాయక్, ఉపసర్పంచ్ మొర్రిగాడుదుల శ్రీనివాస్ గౌడ్, యూత్ నాయకులు అనపురం వినోద్ గౌడ్, ఆవుల మహేష్, మల్లయ్య తదితరులు పాల్గొన్నారు.