– ఏపీఎం నరేంద్ర కుమార్నవతెలంగాణ-పెద్దవంగర: గ్రామీణ ప్రాంతాల్లోని నిరుద్యోగ యువత జాబ్ మేళాను సద్వినియోగం చేసుకోవాలని ఏపీఎం నరేంద్ర కుమార్ అన్నారు. మంగళవారం ఆయన విలేకరులతో మాట్లాడుతూ..ఈ నెల 25 న జిల్లా గ్రామీణాభివృద్ధి సంస్థ, ఈజీఎంఎం ఆధ్వర్యంలో తొర్రూరు డివిజన్ కేంద్రంలోని రామ ఉపేందర్ గార్డెన్ లో జాబ్ మేళా నిర్వహించనున్నట్లు తెలిపారు. మొత్తం 80 ప్రముఖ కంపెనీల ప్రతినిధులు హాజరువుతారని చెప్పారు. 18 -35 సంవత్సరాల లోపు గల యువతీ యువకులు టెన్త్, ఇంటర్, ఐటీఐ, డిప్లమో, డిగ్రీ, పీజీ, బీటెక్, ఎంబీఏ పూర్తి చేసిన వారు అర్హులని పేర్కొన్నారు. విద్యా అర్హతలకు సంబంధించిన పూర్తి సర్టిఫికెట్లతో జాబ్ మేళా కు హాజరు కావాలని కోరారు.
