– మొదటిరోజు 77.27 శాతం హాజరు
నవతెలంగాణ బ్యూరో – హైదరాబాద్
రాష్ట్రంలో పదో తరగతి అడ్వాన్స్డ్ సప్లిమెంటరీ పరీక్షలు బుధవారం ప్రారంభమయ్యాయి. ఈ మేరకు ప్రభుత్వ పరీక్షల విభాగం సంచాలకులు ఎ కృష్ణారావు ఒక ప్రకటన విడుదల చేశారు. బుధవారం మొదటిరోజు ఫస్ట్ లాంగ్వేజ్ (గ్రూప్-ఏ), ఫస్ట్ లాంగ్వేజ్ పార్ట్-1 (కాంపొజిట్ కోర్సు), ఫస్ట్ లాంగ్వేజ్ పార్ట్-2 (కాంపొజిట్ కోర్సు) పరీక్షకు 11,489 మంది దరఖాస్తు చేసుకున్నారని, వారిలో 8,878 (77.27 శాతం) మంది హాజరయ్యారని తెలిపారు. 2,611 (22.73 శాతం) మంది గైర్హాజరయ్యారని పేర్కొన్నారు. మాల్ప్రాక్టీస్ కేసులు నమోదు కాలేదని వివరించారు. మొదటిరోజు పరీక్ష ప్రశాంతంగా నిర్వహించామని తెలిపారు.
