మావోయిస్టుల దాడి.. ముగ్గురు జవాన్లు మృతి

నవతెలంగాణ- ఛత్తీస్ గఢ్: ఛత్తీస్ గఢ్ లోని బీజాపూర్ సుక్మా సరిహద్దులో 2024 జనవరి 30న మావోయిస్టుల దాడి జరిగింది. టేకుల గూడలో జరిగిన ఈ దాడిలో ముగ్గురు జవాన్లు వీరమరణం పొందారు. 14 మంది సైనికులు గాయపడ్డారు.. వారిని చికిత్స నిమిత్తం ఆస్పత్రికి తరలించారు. టేకల్‌గూడలో ఎన్‌కౌంటర్‌ చోటు చేసుకుంది. ఎన్‌కౌంటర్‌కు సంబంధించిన జాడలు ఇప్పటికీ ఇక్కడ కనిపిస్తున్నాయి. ఘటనా స్థలంలో దొరికిన ఆయుధాలను బట్టి ఈ ఎన్‌కౌంటర్ ఎంత భయంకరంగా ఉంటుందో అర్థం చేసుకోవచ్చు. ఈ మావోయిస్టుల  దాడిలో కమాండర్ లు  హిద్మా, దేవా కూడా ఉన్నట్లు వెల్లడైంది. దాదాపు 400 మంది మావోయిస్టులు  ఉన్నారు. మావోయిస్టుల అందరి  దగ్గర ఆధునిక ఆయుధాలు ఉన్నాయి.. భద్రతా దళాలపై నిరంతరం కాల్పులు జరుపుతున్నారు. దీనికి భద్రతా బలగాలు ధీటుగా సమాధానమిచ్చాయి. భద్రతా బలగాలు ఎదురు కాల్పులు జరపడంతో మావోయిస్టులు  అక్కడి నుంచి పారిపోయారు. అయితే ఈ దాడిలో ముగ్గురు జవాన్లు వీరమరణం పొందగా, 14 మంది సైనికులు గాయపడ్డారు.

Spread the love