శరీరంలో కొవ్వు పేరుకుపోయి సమస్యతో సతమతమవుతుంటారు చాలా మంది. ఈ కొవ్వు కారణంగా అనేక అనారోగ్య సమస్యలు చుట్టుముడతాయి. అందుకే ఈ కింది చిట్కాలు పాటిస్తే కొవ్వును కరిగించుకోవచ్చు. అవేంటో చూద్దాం.
– ఉదయం పరగడుపునే రెండు చెంచాల తేనెను గ్లాసు గోరు వెచ్చని నీటిలో బాగా కలిపి తాగాలి. ఇది పొట్ట దగ్గర కొవ్వును తగ్గించడానికి సహాయ పడుతుంది.
– ఒక గ్లాసు నీటిలో ఒక నిమ్మకాయ రసాన్ని పూర్తిగా పిండాలి. దీన్ని ఉదయాన్నే పర గడుపున తీసుకోవాలి. క్రమం తప్ప కుండా ఇలా చేస్తే కొవ్వు కరుగుతుంది.
– రెండు చెంచాల క్రాన్‌బెర్రీ జ్యూస్‌ను ఒక గ్లాసు నీటిలో కలిపి భోజనానికి ముందు తీసుకోవాలి. ఇలా చేస్తే తప్పక ఫలితం ఉంటుంది.
– ఒక గ్లాసు గోరువెచ్చని నీటిలో అవిసె గింజెల పొడి ఓ చెంచా, తేనె ఓ చెంచా కలిపి ఈ మిశ్రమాన్ని రాత్రి పడుకోబోయే ముందు తాగాలి. ఇది కూడా పొట్ట దగ్గర కొవ్వును బాగా తగ్గిస్తుంది.
– ఒక గ్లాసు గోరువెచ్చని నీటిలో నువ్వుల నూనె ఒక చెంచా, అల్లం రసం చెంచా మోతాదులో కలిపి రోజుకు రెండుసార్లు తీసుకోవాలి. ఇది పొట్ట దగ్గర పేరుకుపోయిన కొవ్వు తగ్గేందుకు ఇది సహకరిస్తుంది.
– గ్రీన్‌ టీ పొడి చెంచా, నిమ్మరసం పావు చెంచా, తేనె రెండు చెంచాల మోతాదులో తీసుకుని ఒక గ్లాసు నీటిలో కలపాలి. మూడు నిమిషాల పాటు బాగా కలిపాలి. దీన్ని రోజుకి రెండు సార్లు తీసుకుంటే మంచి ఫలితం కనిపిస్తుంది.
