‘ప్రేమిస్తే’ సినిమాతో తెలుగు ప్రేక్షకులకు దగ్గరైన భరత్‌ ఇప్పుడు మరో ఇంట్రెస్టింగ్‌ మూవీ ‘మిరల్‌’తో ఈనెల 17న ప్రేక్షకుల ముందుకు రానున్నారు. భరత్‌ హీరోగా, వాణి భోజన్‌ హీరోయిన్‌గా విఘ్నేశ్వర ఎంటర్టైన్మెంట్స్‌, యాక్సెస్‌ ఫిల్మ్‌ ఫ్యాక్టరీ సంయుక్తంగా తెరకెక్కించిన ఈ మూవీని సీహెచ్‌ సతీష్‌ కుమార్‌ నిర్మించారు. హర్రర్‌, సస్పెన్స్‌, సీట్‌ ఎడ్జ్‌ థ్రిల్లర్‌గా రాబోతోన్న ఈ చిత్రానికి ఎం శక్తివేల్‌ దర్శకత్వం వహించారు. రీసెంట్‌గా విడుదల చేసిన ట్రైలర్‌ అందరినీ ఎంతగా భయపెట్టిందో అందరికీ తెలిసిందే. ట్రైలర్‌తో ఒక్కసారిగా ఈ మూవీ మీద అంచనాలు పెరిగాయి. జగన్మోహిని, జి ఢిల్లి బాబు సమర్పణలో రానున్న ఈ సినిమాను ఈనెల 17న గ్రాండ్‌గా విడుదల చేయనున్నారు. ఈ నేపథ్యంలో రిలీజ్‌ చేసిన పోస్టర్‌ అందరినీ ఆకట్టుకుంటోంది. సినిమా కథ ఏంటి? ఏ పాయింట్‌ చుట్టూ తిరుగుతుంది? ప్రధాన పాత్రలు ఏంటి? అనేది కూడా ఈ పోస్టర్‌లోనే చూపించారు. ట్రైలర్‌లోనూ ఓ వింత మాస్క్‌ హైలెట్‌ అయింది. ఇప్పుడు ఈ పోస్టర్‌లోనూ ఆ మాస్క్‌ను చూపించారు. అసలు ఆ మాస్క్‌ కథ ఏంటి? అనే ఆసక్తిని రేకెత్తించేలా ట్రైలర్‌, పోస్టర్‌ను డిజైన్‌ చేశారు. మీరాకష్ణన్‌, రాజ్‌కుమార్‌, కావ్య అరివుమణి తదితరులు నటిస్తున్న ఈ చిత్రానికి నిర్మాత : సిహెచ్‌ సతీష్‌ కుమార్‌, దర్శకుడు: ఎం.శక్తివేల్‌, కథ-స్క్రీన్‌ ప్లే: ఎం.శక్తివేల్‌, మ్యూజిక్‌ కంపోజర్‌: ప్రసాద్‌ ఎస్‌ ఎన్‌, డైరెక్టర్‌ ఆఫ్‌ ఫోటోగ్రఫీ: సురేష్‌ బాలా, ఎడిటర్‌: కలైవానన్‌ ఆర్‌, ఆర్ట్‌ డైరెక్టర్‌: మణికందన్‌ శ్రీనివాసన్‌, యాక్షన్‌ కొరియోగ్రఫీ : డేంజర్‌ మణి.
