జాతీయ స్థాయి ఆర్చరీ టోర్నీ షురూ

బరిలో 17 రాష్ట్రాల నుంచి 200 మంది క్రీడాకారులు

హైదరాబాద్‌: ఇంటర్‌-డీపీఎస్‌ జాతీయ స్థాయి ఆర్చరీ చాంపియన్‌షిప్‌ పోటీలు శనివారం ఢిల్లీ పబ్లిక్‌ స్కూల్‌ (డీపీఎస్‌) కొల్లూరులో ఘనంగా ప్రారంభం అయ్యాయి.. వరుసగా మూడో ఏడాది డీపీఎస్‌ కొల్లూరు ఆర్చరీ జాతీయ స్థాయి పోటీలకు ఆతిథ్యం ఇస్తోంది. దేశవ్యాప్తంగా యువ ఆర్చర్లను ప్రోత్సహించడం, నైపుణ్యాలను జాతీయ వేదికపై ప్రదర్శించడానికి అవకాశం కల్పించేందుకు ఈ టోర్నీని నిర్వహిస్తున్నామని పాఠశాల వైస్‌ చైర్మన్‌ టి. భీమ్‌సేన్‌, ప్రిన్సిపాల్‌ సి. జె. వసంతతో కలిసి పోటీలను ప్రారంభిస్తూ తెలిపారు. రెండు రోజుల పాటు ఆర్చరీ పోటీల్లో 17 రాష్ట్రాల నుంచి ఢిల్లీ పబ్లిక్‌ స్కూల్స్‌కు చెందిన 200 మంది క్రీడాకారులు అండర్‌-10, -13, 15, 17 వయో విభాగాల్లో తలపడుతున్నారు