శ్రేష్ట్‌ మూవీస్‌ ద్వారా ‘ఆర్యన్‌’ విడుదల

తెలుగు ప్రేక్షకులకు సుపరిచితుడైన హీరో విష్ణు విశాల్‌ నటించిన తాజా చిత్రం ‘ఆర్యన్‌’. విష్ణు విశాల్‌ స్టూడియోస్‌, శుభ్ర, ఆర్యన్‌ రమేష్‌లతో కలిసి నిర్మించిన గ్రిప్పింగ్‌ ఇన్వెస్టిగేటివ్‌ థ్రిల్లర్‌ ఇది.
ఈ చిత్రానికి ప్రవీణ్‌ కె దర్శకత్వం వహించారు. మేకర్స్‌ ఇటీవల టీజర్‌ను విడుదల చేశారు. దీనికి అద్భుతమైన స్పందన వచ్చింది. ఈ చిత్రం ఈనెల 31న విడుదల కానుంది. హీరో నితిన్‌ తండ్రి సుధాకర్‌ రెడ్డి ఈ చిత్రాన్ని ఆంధ్రప్రదేశ్‌, తెలంగాణలో శ్రేష్ట్‌ మూవీస్‌ ద్వారా విడుదల చేయనున్నారు. అనేక బ్లాక్‌బస్టర్లను అందించిన ప్రొడక్షన్‌, డిస్ట్రిబ్యూషన్‌ బ్యానర్‌ మద్దతుతో ఈ చిత్రం తెలుగు రాష్ట్రాల్లో గ్రాండ్‌గా విడుదల కానుంది.

శ్రేష్ట్‌ మూవీస్‌ గతంలో ‘విక్రమ్‌, అమరన్‌, థగ్‌ లైఫ్‌’ వంటి చిత్రాలను విడుదల చేశారు. సెల్వరాఘవన్‌, శ్రద్ధా శ్రీనాథ్‌, మానస చౌదరి కీలక పాత్రల్లో నటిస్తున్న ఈ చిత్రంలో విష్ణు విశాల్‌ పోలీస్‌ ఆఫీసర్‌ పాత్రలో నటిస్తున్నారు. సాయి రోనక్‌, తారక్‌ పొన్నప్ప, మాల పార్వతి, అవినాష్‌, అభిషేక్‌ జోసెఫ్‌ జార్జ్‌ సహాయక పాత్రలను పోషిస్తున్నారు. ఈ చిత్రానికి డీఓపీ – హరీష్‌ కన్నన్‌, సంగీతం – జిబ్రాన్‌, ఎడిటర్‌ – శాన్‌ లోకేష్‌, స్టంట్స్‌ – స్టంట్‌ సిల్వా, పిసి స్టంట్స్‌ ప్రభు, ఎడిషల్‌ స్క్రీన్‌ ప్లే – మను ఆనంద్‌, ప్రొడక్షన్‌ డిజైన్‌ – ఎస్‌.జయచంద్రన్‌.