స్టీల్‌బ్రిడ్జిపై నుంచి దూకి యువకుడు ఆత్మహత్య..

నవతెలంగాణ - హైదరాబాద్‌: ఆర్టీసీ క్రాస్‌ రోడ్ లోని నాయినీ నరసింహారెడ్డి స్టీల్‌ బ్రిడ్జిపై నుంచి దూకి యువకుడు ఆత్మహత్యకు పాల్పడిన ఘటన శుక్రవారం చోటుచేసుకుంది. స్థానికులు, పోలీసులు తెలిపిన వివరాల ప్రకారం.. నగరంలోని పార్సిగుట్టకు చెందిన మనోజ్‌ శివంరోడ్డులోని ఓ డయాగ్నోస్టిక్‌ సెంటర్‌లో పనిచేస్తున్నాడని తెలిపారు. ఆర్థిక ఇబ్బందుల కారణంగానే ఆత్మహత్యకు పాల్పడినట్టు సూసైడ్‌ నోట్‌లో మనోజ్‌ పేర్కొన్నాడనీ పోలీసులు చెప్పారు. అయితే ఘటనకు సంబంధించి పూర్తి వివరాలు తెలియాల్సి ఉంది. కేసు నమోదు చేసుకున్న పోలీసులు దర్యాప్తు ప్రారంభించారు.