నవంబర్ 19న ఇందిరమ్మ భీమా పథకం ప్రారంభం: డిప్యూటీ సీఎం భట్టి

నవతెలంగాణ - హైదరాబాద్ : తెలంగాణ ప్రభుత్వం ప్రజలకు విప్లవాత్మక సంక్షేమ పథకాలను అందిస్తోందని డిప్యూటీ సీఎం భట్టి విక్రమార్క తెలిపారు. 1.06 కోట్ల కుటుంబాలకు నెలకు ఆరు కేజీల చొప్పున ఉచిత సన్నబియ్యం అందిస్తున్నట్లు పేర్కొన్నారు. నవంబర్ 19న రూ. 5 లక్షల బీమాతో 'ఇందిరమ్మ ధీమా' ప్రారంభించనున్నట్లు వెల్లడించారు. ఆరోగ్యశ్రీ పరిమితి రూ. 10 లక్షలకు పెంపు, 200 యూనిట్ల ఉచిత విద్యుత్, ఫీజు రీయింబర్స్‌మెంట్ నేరుగా విద్యార్థుల ఖాతాల్లో జమ, రైతులకు ఎకరానికి రూ. 12 వేల సాయం అందిస్తున్నామని తెలిపారు.