కోతకు గురైన రహదారులు.. దెబ్బతిన్న చెక్ డ్యామ్లు
నవతెలంగాణ – సదాశివ నగర్
సదాశివనగర్ మండలంలో గత మూడు రోజులుగా కురిసిన వర్షంతో భారీ నష్టాన్ని మిగిల్చింది. చేతికొచ్చిన పంటలను వరద నీరు ముంచెత్తింది. వాగులు ఉప్పొంగడంతో రహదారులు తెగిపోయి. వంతెనలు దెబ్బతిన్నాయి. పలు గ్రామాల రాకపోకలకు నిలిచిపోయాయి..ఇండ్లు కూలాయి. చెట్ల కొమ్మలు విరిగి విద్యుత్‌ లైన్లపై పడడంతో కరెంటు సరఫరాలో అంతరాయం కలిగింది. వర్షం కారణంగా పొలాల్లో వరద నీరు ప్రవహించడంతో పంటలు నేలకొరిగాయి. వ్యవసాయ శాఖ అధికారులు క్షేత్రస్థాయిలో పర్యటించి పంట నష్టం వివరాలను సేకరిస్తున్నారు. వరద ప్రభావిత ప్రాంతాల్లో అధికారులు సహాయక చర్యలు తీసుకుంటున్నారు.
వజ్జెపల్లి తండాలో భారీ వర్షం వలన వరదకు గురై తారచంద్ కుంట పూర్తిగా తెగిపోవడం జరిగింది..దాదాపు వందల ఎకరాల వరి పొలాలు దెబ్బతిన్నాయి. తెగిపోయిన కుఃటను ఇరిగేషన్ అధికారులతో కలిసి స్థానిక నాయకులు పరిశీలించారు. ఈ సందర్భంగా మాట్లాడుతూ.. ఎగువన కురసిన భారీ వర్షాలకు కుంటలో పెద్ద మొత్తంలో వరదనీరు చేరడంతో కుంట మధ్య నుంచి పూర్తిగా తెగిపోవడం జరిగిందని తెలిపారు. వరద నీరుతో కింది భాగంలో ఉన్న పంట పొలాలు దాదాపు వందల ఎకరాలు నష్టపోవడం జరిగిందని అన్నారు. తారచంద్ కుంటను అధికారుల సమక్షంలో స్థానిక నాయకులు ఎమ్మెల్యేను సంప్రదించగా ఆయన సానుకూలంగా స్పందించి తెగిపోయిన కుంటను నిర్మాణం చేపడతామని అన్నారు. ఈ కార్యక్రమంలో ఇరిగేషన్ ఏఈ జావీద్, కాంగ్రెస్ మండల పార్టీ అధ్యక్షులు సంగారెడ్డి, సేవాదళ్ జిల్లా అధ్యక్షులు లింగాగౌడ్, ఆల్ ఇండియా బంజారా సేవా సంఘం సురేందర్ రాథోడ్, పంచాయతి సెక్రెటరీ పాపిరెడ్డి, ఏఐబిఎస్ మండల ప్రధాన కార్యదర్శి విజయ్ కుమార్, నాయకులు రమేష్ నాయక్, గంగారాం, దూమ, మోహన్ సింగ్, శ్రీనివాస్ గౌడ్, గణేష్, ప్రేమ్ కుమార్, సరిచంద్, దశరథ్, కైలాస్ తదితరులు పాల్గొన్నారు.
