ఎన్నికలలో కాంగ్రెస్ పార్టీ ముదిరాజులకు ఇచ్చిన హామీలను, ప్రభుత్వం ఆమాలు చేయాలని, యాదాద్రి భువనగిరి జిల్లా ముదిరాజ్ సంఘం అధ్యక్షులు కొలుపుల హరినాద్ అన్నారు. ఆలేరు పట్టణంలో ఆదివారం ముదిరాజ్ సంఘం సమావేశం శ్రీ కనకదుర్గ దేవాలయం ఆవరణలో నిర్వహించారు. ఈ సందర్భంగా ఆయన మాట్లాడుతూ ముదిరాజ్ హక్కుల సాధన కొరకు రాష్ట్రంలోని సంఘాలన్నీ ఏకమై ఉద్యమిస్తామన్నారు.

హైదరాబాదులో నిర్వహించు సభకు సన్నాహకం చేస్తున్నామన్నారు. గత ప్రభుత్వం మచ్చకారులకు సంక్షేమ అభివృద్ధి పథకాలు , స్కూటీలు, వలలు, చేపల పెంపకానికి ప్రోత్సాహకాలు అందించారని తెలియజేశారు. కాంగ్రెస్ ప్రభుత్వ హయాంలో ఏ ఒక్క అభివృద్ధి సంక్షేమ పథకం అమలు కాలేదని విమర్శించారు. మత్స్యకారులకు భీమా సౌకర్యం కల్పించాలన్నారు. ఈ సమావేశంలో ముదిరాజ్ సంఘం సభ్యులు అధిక సంఖ్యలో పాల్గొన్నారు.