‘ది ప్యారడైజ్‌’ నటుడు ప్రియదర్శికి హరీశ్‌ రావు సన్మానం

నవతెలంగాణ - హైదరాబాద్‌: ఇటీవల విడుదలైన ‘ది ప్యారడైజ్‌’ చిత్రంలో ఎమ్మెల్యే శంకర్‌ పాత్రలో నటుడు ప్రియదర్శి ఆకట్టుకున్నారు. ఈ పాత్ర కేసీఆర్‌ను పోలి ఉండటంతో ఆయన నటనకు మంచి గుర్తింపు లభించింది. ఈ నేపథ్యంలో మాజీ మంత్రి హరీశ్‌ రావు ప్రియదర్శిని తన ఇంటికి ఆహ్వానించి సన్మానించారు. ఈ సందర్భంగా చిత్రబృందానికి హరీశ్‌ రావు అభినందనలు తెలిపారు. ‘బలగం’, ‘మల్లేశం’ నుంచి ‘ది ప్యారడైజ్‌’ వరకు ప్రియదర్శి తన చిత్రాల్లో అద్భుతంగా నటించారని కొనియాడారు. భవిష్యత్తులోనూ మరిన్ని గుర్తుండిపోయే చిత్రాల్లో నటించాలని ఆకాంక్షించారు.