ఉక్రెయిన్‌పై రష్యా క్షిపణి దాడులు.. 9 మంది మృతి

నవతెలంగాణ - హైదరాబాద్ : ఉక్రెయిన్‌పై రష్యా జరిపిన క్షిపణి దాడుల్లో 9 మంది మృతి చెందగా, మరో 12 మంది గాయపడ్డారు. కీలక విద్యుత్‌, ఇంధన కేంద్రాలు, కమ్యూనికేషన్‌ వ్యవస్థలను లక్ష్యంగా చేసుకున్న ఈ దాడులతో 5 లక్షల మందికి పైగా ప్రజలు విద్యుత్‌ సరఫరా లేక చీకట్లో చిక్కుకున్నారు. కీవ్‌లోని రెండు విద్యుత్‌ హీటింగ్‌ కేంద్రాలు, పరిసర ప్రాంతాల్లోని మరో రెండు ప్లాంట్లు, ప్రధాన విద్యుత్‌ సబ్‌స్టేషన్‌పై దాడులు జరిగినట్లు రష్యా రక్షణ మంత్రిత్వ శాఖ వెల్లడించింది.