రైతులకు శుభవార్త.. వ్యవసాయ యంత్రాలపై 40 శాతం సబ్సిడీ

నవతెలంగాణ – హైదరాబాద్ : వ్యవసాయ యాంత్రీకరణను ప్రోత్సహించేందుకు ప్రభుత్వం కస్టమ్ హైరింగ్ సెంటర్ల (CHC) ఏర్పాటుకు శ్రీకారం చుట్టింది. వీటి ద్వారా గ్రామీణ ప్రాంతాల రైతులకు ఆధునిక వ్యవసాయ యంత్ర పరికరాలను తక్కువ అద్దెకు అందించనున్నారు. రైతు ఉత్పత్తిదారుల సంఘాలు, పీఏసీఎస్‌లు, మహిళా సంఘాలు ఈ కేంద్రాలను నిర్వహించనున్నాయి. ఎంపికైన సంఘాలకు కేంద్ర, రాష్ట్ర ప్రభుత్వాలు 60:40 నిష్పత్తిలో నిధులు సమకూరుస్తాయి. యంత్ర పరికరాల మొత్తం వ్యయంలో 40 శాతం సబ్సిడీ ఇవ్వనుండగా, గరిష్ఠంగా రూ.20 లక్షల వరకు రాయితీ లభించనుంది. దీంతో రైతులకు తక్కువ అద్దెకు యంత్రాలు అందుబాటులోకి రానున్నాయి.