ఫ్రాన్స్‌లో తీవ్ర ఉద్రిక్తత..చారిత్రక టౌన్ హాల్‌కు నిప్పు

నవతెలంగాణ-హైదరాబాద్‌ : ఫ్రాన్స్‌లో పెరిగిన నిత్యావసర ధరలు, తక్కువ వేతనాలు, ఆర్థిక ఇబ్బందులకు వ్యతిరేకంగా ఆదివారం భారీ నిరసనలు జరిగాయి. సుమారు 8 లక్షల మంది నిరసనకారులు రోడ్లపైకి వచ్చి ఆందోళన చేపట్టారు. ఈ నిరసనలు హింసాత్మకంగా మారి, లిమోజెస్ నగరంలోని 143 ఏళ్ల చారిత్రక టౌన్ హాల్‌కు నిప్పు పెట్టారు. దేశవ్యాప్తంగా సుమారు 1,200 మందిని పోలీసులు అదుపులోకి తీసుకున్నారు. అల్లర్లకు పాల్పడిన వారిపై కఠిన చర్యలు తీసుకుంటామని ఫ్రాన్స్ అధ్యక్షుడు ఇమ్మాన్యుయేల్ మాక్రాన్ హెచ్చరించారు.