ముగిసిన ‘పరిషత్‌’ ఎన్నికల పోలింగ్‌

నవతెలంగాణ - హైదరాబాద్ : ఆంధ్రప్రదేశ్‌లో పరిషత్‌ ఎన్నికల పోలింగ్‌ ముగిసింది. గురువారం సాయంత్రం 5 గంటలకు పోలింగ్‌ ప్రక్రియ పూర్తయింది. అప్పటికే క్యూలైన్లలో ఉన్న ఓటర్లకు ఓటు వేసేందుకు అధికారులు అవకాశం కల్పించారు. ఉదయం 7 గంటల నుంచే ఓటర్లు ఉత్సాహంగా పోలింగ్‌ కేంద్రాలకు తరలివచ్చి తమ ఓటు హక్కును వినియోగించుకున్నారు. రాష్ట్రవ్యాప్తంగా 582 జడ్పీటీసీ, 7,767 ఎంపీటీసీ స్థానాలకు ఎన్నికలు జరిగాయి. మొత్తం 21,012 మంది అభ్యర్థులు బరిలో నిలిచారు. నవంబర్‌ 7న ఓట్ల లెక్కింపు చేపట్టి ఫలితాలను వెల్లడించనున్నారు.