వైభవ్‌ను మూడో స్థానంలో పంపడం తప్పు: అశ్విన్‌

నవతెలంగాణ - హైదరాబాద్ : న్యూజిలాండ్‌తో జరిగిన రెండో టీ20లో యువ బ్యాటర్‌ వైభవ్‌ సూర్యవంశీని మూడో స్థానంలో బ్యాటింగ్‌కు పంపడం సరైన నిర్ణయం కాదని భారత సీనియర్‌ స్పిన్నర్‌ రవిచంద్రన్‌ అశ్విన్‌ అభిప్రాయపడ్డాడు. క్రైస్ట్‌చర్చ్‌ వేదికగా జరిగిన ఈ మ్యాచ్‌లో ఇషాన్‌ కిషన్‌ స్థానంలో జట్టులోకి వచ్చిన వైభవ్‌.. 8 బంతుల్లో 4 పరుగులు చేసి ఔటయ్యాడు. మూడో స్థానంలో బ్యాటింగ్‌ చేయడం అతడికి సరిపోలేదని అశ్విన్‌ పేర్కొన్నాడు. అదే స్థానంలో అనుభవజ్ఞుడైన సంజూ శాంసన్‌ను ఆడించడం మంచిదని సూచించాడు. కాగా, ఈ మ్యాచ్‌లో భారత్‌ 180 పరుగుల లక్ష్యాన్ని 4 వికెట్ల తేడాతో ఛేదించింది. భారత మిడిల్‌ ఆర్డర్‌ ఆటతీరును అశ్విన్‌ ప్రశంసించాడు.