Magazines

విశాఖ మేయర్ ఇంట విషాదం..

19 నిమిషాల క్రితం

Mukka Srivani
వెబ్ డెస్క్

ప్రచురించబడింది నవం 20, 2026 | 1 నిమిషాల చదవడం

నవతెలంగాణ-హైదరాబాద్‌ : విశాఖపట్నం నూతన మేయర్ ముక్కా శ్రావణి ఇంట విషాదం నెలకొంది. ఆమె తండ్రి, తెలుగుదేశం పార్టీ సీనియర్ నేత, మాజీ కౌన్సిలర్ ముక్కా ముత్యాలనాయుడు గుండెపోటుతో కన్నుమూశారు. ఈ ఉదయం ఆయన అకస్మాత్తుగా తీవ్ర అస్వస్థతకు గురికావడంతో కుటుంబ సభ్యులు హుటాహుటిన విశాఖలోని ఆసుపత్రికి తరలించారు. అయితే, అప్పటికే ఆయన మృతి చెందినట్లు వైద్యులు ధ్రువీకరించారు.

కూతురు ముక్కా శ్రావణి విశాఖ నగర మేయర్‌గా ఈ నెల 23న ప్రమాణస్వీకారం చేయాల్సి ఉండగా, అంతలోనే ఈ ఘటన చోటుచేసుకోవడంతో కుటుంబ సభ్యులు విషాదంలో మునిగిపోయారు. తండ్రి మరణవార్త తెలిసే సమయానికి మేయర్ శ్రావణి తిరుపతి పర్యటనలో ఉన్నారు. విషయం తెలిసిన వెంటనే ఆమె విశాఖకు బయల్దేరారు. 

ముత్యాలనాయుడు తెలుగుదేశం పార్టీ ఆవిర్భావం నుంచే పార్టీలో క్రియాశీలకంగా పనిచేశారు. గతంలో కౌన్సిలర్‌గా ఎన్నికై ప్రజాసేవలో తనదైన ముద్ర వేశారు. విశాఖ జిల్లా తెదేపా బీసీ విభాగం ఉపాధ్యక్షుడిగా బాధ్యతలు నిర్వర్తించిన ఆయన, స్థానిక ప్రజలతో ఎల్లప్పుడూ సత్సంబంధాలు కొనసాగించేవారు.

ముత్యాలనాయుడు ఆకస్మిక మృతిపట్ల ఆంధ్రప్రదేశ్ ముఖ్యమంత్రి నారా చంద్రబాబు నాయుడు, మంత్రి నారా లోకేశ్ తీవ్ర సంతాపం వ్యక్తం చేశారు. వారి కుటుంబ సభ్యులకు ప్రగాఢ సానుభూతి తెలిపారు. తెదేపా రాష్ట్ర అధ్యక్షుడు పల్లా శ్రీనివాసరావు, విశాఖ ఎంపీ ఎం. శ్రీభరత్, ఎమ్మెల్యేలు గంటా శ్రీనివాసరావు, వెలగపూడి రామకృష్ణబాబు, విష్ణుకుమార్ రాజు సహా పలువురు ప్రముఖులు దిగ్భ్రాంతి వ్యక్తం చేస్తూ నివాళులర్పించారు.

ట్యాగ్‌లు

సంబంధిత వార్తలు

కామెంట్‌లు (0)

హోమ్