ఆలేర్ మున్సిపాలిటీ పరిధిలోని వివిధ వార్డులు, నివాస ప్రాంతాల్లో కోతుల సంచారం అధికమై ప్రజలకు ఇబ్బందులు కలుగుతున్న నేపథ్యంలో, ప్రజల భద్రత మరియు సౌకర్యాన్ని దృష్టిలో ఉంచుకొని ,ఆలేర్ మున్సిపాలిటీ ఆధ్వర్యంలో ప్రత్యేక కోతుల పట్టివేత కార్యక్రమం శనివారం నిర్వహించారు.

ఈ సందర్భంగా చైర్‌పర్సన్ బీజన బాలమణి బాస్కర్ మాట్లాడుతూ పట్టణంలో కోతులు లేకుండా చూడడమే తమ లక్షమన్నారు.

ప్రజలకు ఎటువంటి ఇబ్బందులు కలగకుండా, కోతుల పట్టివేత కార్యక్రమాన్ని సమర్థవంతంగా నిర్వహించాలని సంబంధిత సిబ్బందికి సూచించారు. ఆలేర్ మున్సిపాలిటీ పరిధిలో నిర్వహిస్తున్న ఈ ప్రత్యేక కార్యక్రమంలో ఇప్పటి వరకు 350కు పైగా కోతులను పట్టుకున్నట్లు చైర్మన్ తెలిపారు. ఈ కార్యక్రమంలో మున్సిపల్ కమిషనర్ కె. శ్రీనివాస్ రెడ్డి, కౌన్సిలర్లు పాకాల మౌనిక హరీష్, జెట్ట నీరజ సిద్దులు, జుకంటి సంపత్, పురప్రముఖులు మల్లెల శ్రీకాంత్, వనరాసి మార్క్, తదితరులు పాల్గొన్నారు.