నవతెలంగాణ-హైదరాబాద్‌ : పొడవాటి జడలు, స్నేహితులతో అంతులేని నవ్వులు, చిన్న చిన్న ఆటలు ఎంతో ఆనందాన్నిచ్చిన ఆ నిర్భయపు బాల్యపు రోజులు గుర్తున్నాయా? పెరిగి పెద్దయ్యేకొద్దీ కొత్త బాధ్యతలు వచ్చినా, ప్రతి స్త్రీలోని చిన్నారి ఎప్పటికీ పూర్తిగా మాయం కాదు. ఎంతో మంది మహిళలు తమ బాల్యంతో ముడిపెట్టుకునే ఆనందం, స్వేచ్ఛ, స్నేహాన్ని వేడుక చేసుకుంటూ, ఈ మధుర జ్ఞాపకాలను పురస్కరించుకుని, ‘ఫీల్ లైక్ ఎ గర్ల్ అగైన్’ అనే హృద్యమైన కొత్త బ్రాండ్ ప్రచారాన్ని పారాచూట్ అడ్వాన్స్‌డ్ గోల్డ్ కోకోనట్ హెయిర్ ఆయిల్ ఆవిష్కరించింది.
ఈ ప్రచారంపై మారిగో లిమిటెడ్, ఇండియా సీఎంఓ విక్రమ్ కర్వాల్ వ్యాఖ్యానిస్తూ, ‘‘నేటి వినియోగదారులు తమ అవసరాలను మాత్రమే కాకుండా, వారి జీవితాలను తీర్చిదిద్దే భావోద్వేగాలను, జ్ఞాపకాలను కూడా అర్థం చేసు కునే బ్రాండ్‌ల కోసం చూస్తున్నారు. పొడవాటి జుట్టు తరచుగా బాల్యంలోని మధురమైన జ్ఞాపకాలతో ఒక బల మైన అనుబంధంగా పనిచేస్తుందనే దృక్పథం ఆధారంగా ‘ఫీల్ లైక్ ఎ గర్ల్ అగైన్’ రూపొందించబడింది. ఈ ప్రచారం ద్వారా, అందమైన పొడవాటి జుట్టు ప్రేరేపించగల ఆత్మవిశ్వాసం, సౌందర్యం, స్వేచ్ఛకు జీవం పోసేందుకు, సాంస్కృతికంగా ప్రతిధ్వనించే ఒక కథను ఉపయోగించి ఆ భావోద్వేగ బంధాన్ని మేం వేడుకగా చేసుకుంటు న్నాం. బ్రాండ్ ప్రధాన వాగ్దానానికి కట్టుబడి ఉంటూనే, వినియోగదారులతో గాఢంగా అనుసంధానం అయ్యే అర్థవంతమైన కథలను రూపొందించడంపై మా నిరంతర దృష్టిని ఈ ప్రచారం ప్రతిబింబిస్తుంది” అని అన్నారు.
ఈ సినిమాటిక్ వేడుకకు ప్రధాన ఆకర్షణ గౌతమ్ వాసుదేవ్ మీనన్. తనదైన ముద్రతో కూడిన కథాంశాలు, మహిళల పాత్రలను తీర్చిదిద్దే చిరస్మరణీయ శైలితో ఆయన దక్షిణ భారత సినిమాలో అత్యంత ఆదరణ పొందిన దర్శకుల్లో ఒకరిగా నిలిచారు.
ఈ క్యాంపెయిన్‌కి (ప్రచార చిత్రానికి) తన ప్రత్యేకమైన భావోద్వేగ స్పర్శను జోడిస్తూ, గౌతమ్ ముగ్గురు స్నేహితుల కథను ఆవిష్కరించారు. తమ దైనందిన జీవితాల నుంచి కాస్త విరామం తీసుకొని, తీరప్రాంతంలో స్వేచ్ఛగా పరిగెడుతూ, డాన్స్ చేస్తూ, ఆడుకుంటూ, ఊగుతున్న తమ పొడవైన జడలతో వారు తమ చిన్ననాటి సంతోషాలను మళ్లీ అనుభవించే దృశ్యాలను ఆయన ఇందులో ఎంతో అందంగా మలచారు.
తన అనుభవాన్ని పంచుకుంటూ, గౌతమ్ వాసుదేవ్ మీనన్ ఇలా అన్నారు, "ఈ ప్రచారంలోని సందేశంలో ఉన్న అందమైన సరళత నన్ను దీనికి ఆకర్షించింది. వయసుతో సంబంధం లేకుండా, ప్రతి మహిళలోనూ నవ్వడానికి, ఆడుకోవడానికి, స్వేచ్ఛగా ఉండటానికి అర్హత ఉన్న ఒక చిన్నారి ఉంటుంది. స్నేహం, పాత జ్ఞాపకాలు, సంగీతం, ఆంధ్రప్రదేశ్ సుపరిచితమైన అందం ద్వారా ఆ భావోద్వేగాన్ని నేను ఒడిసి పట్టుకోవాలనుకున్నాను. ఇంతటి అద్భుతమైన కళాకారుల బృందంతో 'ఫీల్ లైక్ ఎ గర్ల్ అగైన్'కు జీవం పోసినందుకు, మహిళలను ఇంత ఆనం దంగా, హృదయ పూర్వకంగా కీర్తించే ప్రచారంలో భాగమైనందుకు నేను గర్వపడు తున్నాను’’ అని అన్నారు.
కార్తీక్ స్వరపరిచిన అసలు సిసలు సంగీతం, ఆత్మను హత్తుకునే శ్వేతా మోహన్ గానం, భావోద్వేగభరితమైన అనంత శ్రీరామ్ సాహిత్యం కలిగిన శక్తివంతమైన సృజనాత్మక బృందం ఈ మ్యాజిక్‌కు మరింత వన్నె తెచ్చింది. ప్రఖ్యాత కొరియోగ్రాఫర్ బృందా మాస్టర్ సంప్రదాయ నృత్యంలో పాతుకుపోయిన అందమైన కొరియోగ్రఫీతో తనదై న ముద్ర వేసి, ఆప్యాయత, పాత జ్ఞాపకాలు, ఆనందంతో నిండిన ఈ సంగీత అనుభవాన్ని సంపూర్ణం చేశారు.
‘ఫీల్ లైక్ ఎ గర్ల్ అగైన్’ కార్యక్రమంతో, పారాచూట్ అడ్వాన్స్‌డ్ గోల్డ్ సంస్థ ఆంధ్రప్రదేశ్ వ్యాప్తంగా ఉన్న మహిళలను సేదతీరాల్సిందిగా, ఆ నిశ్చింత క్షణాలను పునరుజ్జీవింపజేసుకోవాల్సిందిగా, తమలో ఇంకా జీవి స్తున్న చిన్నారిని వేడుక చేసుకోవాల్సిందిగా ఆహ్వానిస్తోంది.
కామెంట్‌లు (0)