పత్తి కొనుగోలు కేంద్రం ప్రారంభించిన బీర్ల ఐలయ్య

నవతెలంగాణ - ఆత్మకూరు(ఎం) : యాదాద్రి భువనగిరి జిల్లా ఆత్మకూరు మండల కేంద్రంలోని సిద్ధేశ్వర పత్తి మిల్లులో ఏర్పాటు చేసిన పత్తి కొనుగోలు కేంద్రాన్ని తెలంగాణ ప్రభుత్వ విప్‌, ఆలేరు ఎమ్మెల్యే బీర్ల ఐలయ్య ప్రారంభించారు. ఈ సందర్భంగా రైతులకు పత్తి విక్రయాల్లో ఎలాంటి ఇబ్బందులు కలగకుండా కొనుగోళ్లు సజావుగా జరిగేలా చర్యలు తీసుకోవాలని అధికారులకు సూచించారు. రైతులు పండించిన పత్తికి మద్దతు ధర లభించేలా చూడాలని, కొనుగోలు కేంద్రాల్లో అవసరమైన సదుపాయాలు కల్పించాలని తెలిపారు.