నవతెలంగాణ-హైదరాబాద్: దేశ ప్రజాస్వామ్య సంస్థలను బలహీనపరిచే వారిలో ప్రతిపక్షం ఎవరినీ వదిలిపెట్టదని లోక్‌సభ ప్రతిపక్ష నాయకుడు రాహుల్ గాంధీ మంగళవారం ప్రకటించారు. ఢిల్లీలోని ఎన్నికల ప్రధాన కార్యాలయం నిర్వాచన్ సదన్ ఎదుట ప్రతిపక్ష ఎంపీలు నిరసన వ్యక్తం చేస్తున్న విషయం తెలిసిందే. ప్రతిపక్ష పార్లమెంటు సభ్యులను కలవడానికి ప్రధాన ఎన్నికల కమిషనర్ (సీఈసీ) జ్ఞానేష్ కుమార్ ఎందుకు భయపడుతున్నారని రాహుల్ గాంధీ ప్రశ్నించారు. విలేకరులతో ఆయన మాట్లాడుతూ, రాజ్యాంగబద్ధమైన అధికారులు ఎన్నికైన ప్రతినిధులతో సంప్రదించడానికి నిరాకరిస్తే భారత ప్రజాస్వామ్యం గతి ఏమిటని రాహుల్ గాంధీ ప్రశ్నించారు.
"కొద్దిసేపటి క్రితం, దాదాపు 300 మంది లోక్‌సభ-రాజ్యసభ ఎంపీలు ఇక్కడికి వచ్చారు. మేము ఎన్నికల కమిషనర్ జ్ఞానేష్ కుమార్, ఇద్దరు సహచరులను కలవాలనుకున్నాము. పోలీసులు మమ్మల్ని ఇక్కడ ఆపారు. మేము దేశ ప్రతినిధులం, మేము దేశ గొంతుకకు ప్రాతినిధ్యం వహిస్తాము. 300 మంది ఎంపీలను ఎందుకు ఆపారో నాకు తెలియదు, ఆ తర్వాత మమ్మల్ని ఇక్కడ కూర్చోబెట్టారు. ఎన్నికల కమిషన్ కేవలం 50 గజాల దూరంలోనే ఉంది, కానీ వారు మమ్మల్ని వెళ్లనివ్వడం లేదు... మేము ఎవరినీ వదిలిపెట్టము" అని రాహుల్ గాంధీ అన్నారు.
కామెంట్‌లు (0)