తెలంగాణ రాష్ట్ర ప్రభుత్వం నూతనంగా ప్రవేశపెట్టిన స్మార్ట్ రేషన్ కార్డులను సత్తుపల్లి ఎమ్మెల్యే డాక్టర్ మట్టా రాగమయి దయానంద్ మండలంలోని రామగోవిందాపురం, రేజర్ల గ్రామాల్లో శనివారం పంపిణీ చేశారు. ఈ సందర్భంగా ఏర్పాటు చేసిన స్మార్ట్ రేషన్ కార్డుల పంపిణీ కార్యక్రమంలో ఎమ్మెల్యే మాట్లాడారు. ముఖ్యమంత్రి రేవంత్ రెడ్డి నాయకత్వంలో కాంగ్రెస్ ప్రభుత్వం ప్రవేశపెడుతున్న సంక్షేమ, అభివృద్ధి పథకాలు ప్రతి ఇంటికి చేరుతున్నాయని తెలిపారు. గ్రామాల్లో గడపగడపకు సంక్షేమ ఫలాలు అందుతుండటంతో ముఖ్యంగా మహిళల్లో సంతోషం వ్యక్తమవుతోందన్నారు.

సత్తుపల్లి నియోజకవర్గ ప్రజల తరఫున ముఖ్యమంత్రి రేవంత్ రెడ్డికి, ఉప ముఖ్యమంత్రి భట్టి విక్రమార్కకు, మంత్రులు తుమ్మల నాగేశ్వరరావు, పొంగులేటి శ్రీనివాసరెడ్డికి ఎమ్మెల్యే రాగమయి దయానంద్ ధన్యవాదాలు తెలిపారు. సత్తుపల్లి ఏఎంసీ చైర్మన్ దోమ ఆనంద్ బాబు, తహసీల్దారు పున్నం సత్యనారాయణ, ఎంపీడీవో రావెళ్ల చిన్న నాగేశ్వరరావు, రేజర్ల గ్రామ సర్పంచ్

భీమిరెడ్డి అరుణ, రామగోవిందాపురం గ్రామ సర్పంచ్ మౌనిక నరేంద్ర రెడ్డి, మండల కాంగ్రెస్ అధ్యక్షుడు భీమిరెడ్డి సుబ్బారెడ్డి, ఆయా గ్రామాల ఉప సర్పంచ్‌లు, వార్డు సభ్యులు కాంగ్రెస్ పార్టీ నాయకులు, కార్యకర్తలు మహిళా కాంగ్రెస్ నాయకురాళ్లు పాల్గొన్నారు.