కారు చుట్టూ తిరిగే కథ..

మోహన్‌ లాల్‌ నటించిన నూతన చిత్రం ‘తుడరుమ్‌’. తరుణ్‌ మూర్తి దర్శకత్వం వహించిన ఈ చిత్రాన్ని ఎం. రంజిత్‌ నిర్మించారు. మోహన్‌లాల్‌కి జోడిగా హీరోయిన్‌ శోభన నటించారు. మంగళవారం ఈ సినిమా తెలుగు వెర్షన్‌ థియేట్రికల్‌ ట్రైలర్‌ని రిలీజ్‌ చేశారు. ఎమోషన్స్‌, ఎంటర్‌టైన్‌మెంట్‌ రోలర్‌ కోస్టర్‌ రైడ్‌గా ట్రైలర్‌ కట్టిపడేసింది. మోహన్‌లాల్‌ ట్యాక్సీ డ్రైవర్‌గా, ఫ్యామిలీ మ్యాన్‌గా కనిపించిన తీరు ఆకట్టుకుంది. ఓ కారు, ఫ్యామిలీ చుట్టూ ఆసక్తికరంగా నడిచిన ట్రైలర్‌ సినిమాపై చాలా క్యురియాసిటీని పెంచింది. మోహన్‌ లాల్‌, శోభన అన్‌ స్క్రీన్‌ కెమిస్ట్రీ బ్యూటీఫుల్‌గా ఉంది. దర్శకుడు తరుణ్‌ మూర్తి కథని చాలా ఆసక్తికరంగా ప్రజెంట్‌ చేశారు. జేక్స్‌ బిజోరు నేపథ్య సంగీతం ఎగ్జైటింగ్‌గా ఉంది. షాజీ కుమార్‌ సినిమాటోగ్రఫీ టాప్‌ క్లాస్‌లో ఉంది. ట్రైలర్‌ ట్రెమండస్‌ రెస్పాన్స్‌తో సోషల్‌ మీడియాలో వైరల్‌ అవుతోంది. ఈ చిత్రాన్ని రెండు తెలుగు రాష్ట్రాలలో దీపా ఆర్ట్స్‌ పి.శ్రీనివాస్‌ గౌడ్‌ గ్రాండ్‌గా రిలీజ్‌ చేస్తున్నారు అని చిత్ర యూనిట్‌ తెలిపింది. మణియంపిల్ల రాజు, బిను పప్పు, ఇర్షాద్‌ అలీ, ఫర్హాన్‌ ఫాజిల్‌, థామస్‌ మాథ్యూ, షైజో ఆదిమాలి తదితరులు నటిస్తున్న ఈచిత్రానికి దర్శకత్వం: తరుణ్‌ మూర్తి, నిర్మాత: ఎం.రంజిత్‌, స్క్రీన్‌ప్లే, డైలాగ్స్‌: కె.ఆర్‌.సునీల్‌, తరుణ్‌ మూర్తి, సినిమాటోగ్రఫీ: షాజీ కుమార్‌, ఎడిటర్‌: షఫీక్‌, నిషాద్‌ యూసుఫ్‌, సంగీతం: జేక్స్‌ బిజోరు, ఎగ్జిక్యూటివ్‌ ప్రొడ్యూసర్‌: అవంతిక రెంజిత్‌, కథ: కేఆర్‌ సునీల్‌.