ప్రతినాయకుడిగా సుహాస్‌

ఆర్‌ఎస్‌ ఇన్ఫోటైన్‌మెంట్‌ అధినేత ఎల్రెడ్‌ కుమార్‌ తన 16వ ప్రాజెక్ట్‌గా ‘మండాడి’ అనే స్పోర్ట్స్‌ యాక్షన్‌ డ్రామాను నిర్మిస్తు న్నారు. ‘సెల్ఫీ’ సినిమాతో తన ప్రతిభను నిరూపించుకున్న దర్శకుడు మతిమారన్‌ పుగళేంది ఈ చిత్రానికి దర్శకత్వం వహిస్తున్నారు. ప్రధాన పాత్రలో నటుడు సూరి కనిపించనున్న ఈ చిత్రంలో తెలుగులో మంచి గుర్తింపు పొందిన సుహాస్‌ కోలీవుడ్‌లోకి అరంగేట్రం చేస్తున్నారు. కథానాయికగా మహిమా నంబియార్‌ నటిస్తున్న ఈ చిత్రాన్ని అన్ని భాషల్లోను ఆకట్టుకునేలా తెరకెక్కిస్తున్నారు. ఇటీవల టైటిల్‌, సూరి ఫస్ట్‌ లుక్‌ను విడుదల చేసిన నిర్మాతలు తాజాగా సుహాస్‌ ఫస్ట్‌లుక్‌ను విడుదల చేశారు. లుంగీ ధరించి, నెరిసిన జుట్టుతో, జెర్సీ వేసుకుని ‘సునామీ రైడర్స్‌’ బందంతో సముద్రతీరంలో నిలిచిన సుహాస్‌ రూపం అభిమానులను ఆకట్టు కుంటోంది. మరో పోస్టర్‌లో సూరి, సుహాస్‌ ఇద్దరూ స్వయంగా పడవలు నడు పుతూ ఒకరికి ఒకరు వ్యతిరేకంగా కనిపించడం సినిమాలో వారి మధ్య జరిగే గట్టి పోరును సూచిస్తోంది. సుహాస్‌ ఈ చిత్రంలో బలమైన ప్రతినాయకుడిగా కనిపించ నున్నారు. గత సినిమాలతో పోలిస్తే సుహాస్‌ పోషిస్తున్న పాత్ర ప్రేక్షకులను కచ్చితంగా సర్‌ప్రైజ్‌ చేస్తుంది. గతంలో ఎన్నడూ కనిపించని రీతిలో ఆయన ఈ సినిమాలో కనిపించబోతున్నారు. సత్యరాజ్‌, రవీంద్ర విజరు, అచ్యుత్‌ కుమార్‌ వంటి అద్భుత నటులు కూడా ఇందులో కీలక పాత్రల్లో కనిపించనున్నారు. క్రీడా నేపథ్యాన్ని ఆధారంగా చేసుకుని బలమైన భావోద్వేగాలు, సంఘర్షణలతో ఈ సినిమా జీవన పోరాటం, వ్యక్తిత్వం, ఆత్మవిశ్వాసాన్ని ప్రతిబిం బిస్తుంది. ఈ చిత్రానికి సంగీతం: జి.వి.ప్రకాష్‌ కుమార్‌, సినిమాటోగ్రఫీ: ఎస్‌.ఆర్‌.కతిర్‌, ప్రొడక్షన్‌ డిజైనర్‌ : డి.ఆర్‌.కె.కిరణ్‌, ఎడిటర్‌: ప్రదీప్‌ ఇ. రాఘవ్‌, యాక్షన్‌ కొరియోగ్రఫీ : పీటర్‌ హెయిన్‌.