కార్పోరేట్ కళాశాలల్లో 2025- 2026 విద్యా సంవత్సరమునకు ప్రవేశాలు

నవతెలంగాణ – కంఠేశ్వర్ 
నిజామాబాద్ జిల్లాకు చెందిన యస్. సి,యస్.టి, బి.సి, మైనారిటీ, దివ్యాంగ విద్యార్థిని/విద్యార్థులకు  2025-2026 విద్యా సంవత్సరమునకు గాను కార్పోరేట్ (ఇంటర్) కళాశాలలో ప్రవేశం పొందుటకు ప్రభుత్వ పాఠశాలలో, ప్రభుత్వ వసతి గృహములలో చదివి 10 వ వార్షిక పరీక్షలలో 7.0 (జి.పి.ఎ)/400 మార్కులు , ఆ పైన ఉత్తీర్ణులైన యస్.సి/యస్.టి/ఓ.బి.సి / మైనారిటీ విద్యార్థుల నుండి ఆన్ లైన్ ద్వారా తేది:17.05.2025 నుండి 31.05.2025 వరకు ధరఖాస్తులు చేసుకోవాలని జిల్లా షెడ్యూల్డు కులముల అభివృద్ది శాఖ అధికారి కార్యాలయం నుండి సోమవారం ప్రకటన విడుదల చేశారు. 10 వ తరగతి మెరిట్ ఆధారముగా మాత్రమే (సిజిజి ఆన్లైన్ ఆటోమెటిక్ సిస్టం) ద్వారా ఎంపిక చేసి ప్రవేశము కల్పించబడుతుంది అని తెలియజేశారు. www.telanganaepass.cgg.gov.in ఆన్ లైన్ వెబ్ సైట్లో ధరఖాస్తు చేసుకోవలసినదిగా జిల్లా షెడ్యూల్డు కులముల అభివృద్ధి అధికారిని  తెలియజేశారు.