- Advertisement -
- – ఎక్కడికక్కడ నీటిని తొలగించేలా చర్యలు చేపట్టాలి
– నిజామాబాద్ మున్సిపల్ కమిషనర్ దిలీప్ కుమార్
నవతెలంగాణ కంఠేశ్వర్ - నగరంలో ఆకాల వర్షంతో రోడ్లుపై నిలిచిపోయిన నీటిని వెంటనే తొలగించాలని మున్సిపల్ కమిషనర్ దిలీప్ కుమార్ సం బంధిత శానిటరీ ఇన్సెక్టరు, మున్సిపల్ సిబ్బందికి తెలియజేశారు. నిజామాబాద్ మున్సిపల్ పరిధిలో కుండపోతగా వర్షం కురుస్తున్నందున మున్సిపల్ అధికారులు అప్రమత్తమయ్యారు. బుదవారం రాత్రి నగరంలో భారీ వర్షం కురిసిన తర్వాత, కొన్ని ప్రాంతాల్లో రోడ్లపై లోతట్టు ప్రాంతాల్లో నీరు నిలిచిపోయింది. దీంతో నగరంలోని నిజామాబాద్ మున్సిపల్ కమిషనర్ దిలీప్ కుమార్ ఆకస్మిక తనిఖీలు, అత్యవసర సమావేశం నిర్వహించారు. తెల్లవారుజామున జోన్-పోర్లో రాత్రిపూట కుండపోత వర్షం కురవడంతో గౌతమ్ నగర్, ఆదర్శ్ నగర్, కలెక్టరేట్ బైపాస్, గుమస్తా కాలనీ, శ్రద్ధానంద్ గంజ్, ఆల్ నిజామాబాద్ కాలనీ, గంజ్ వెజిటబుల్ మార్కెట్ రైల్వే ట్రాక్ నుండి అర్సపల్లి రైల్వే ట్రాక్, బోధన్ రోడ్, ఆర్ అండ్ బి కల్వర్ట్, డి-54 కెనాల్, డి-52 కెనాల్ వంటి అన్ని వర్షపాతం వర్ష ప్రభావ ప్రాంతాలను కమిషనర్ పరిశీలించారు. నీరు నిలిచి ఉన్న వివిధ ప్రాంతాలను కమిషనర్ సర్ పరిశీలించారు.
- నిలిచిపోయిన నీటిని తొలగించాలని కమిషనర్ సర్ వెంటనే సంబంధిత శానిటరీ ఇన్స్పెక్టర్ కు ఆదేశించారు. పట్టణం మొత్తం పారిశుధ్య పనులను పర్యవేక్షించాలని ఇన్‌ఛార్జ్ ఎం హెచ్ ఓ శానిటరీ సూపర్‌వైజర్లను ఆదేశించారు. ఇంటింటికీ చెత్త సేకరణ, చెత్త ప్రదేశాల నుండి చెత్తను ఎత్తివేయడం, కాలువలను శుభ్రం చేయడం, సిల్ట్ ఎత్తివేయడం, చెత్త మరియు సిల్ట్ సేకరించిన చోట బ్లీచింగ్ పౌడర్ చల్లడం, షెడ్యూల్ ప్రకారం క్రమం తప్పకుండా దోమల నివారణ మందు పిచికారీ చేయడం ఫాగింగ్ చేయడం వంటివి చేశారు. డెంగ్యూ, మలేరియా, న్యుమోనియా వంటి ప్రమాదాల నుండి పౌరులను రక్షించడానికి నగరాన్ని చక్కగా శుభ్రంగా ఉంచాలని కమిషనర్ పారిశుధ్య విభాగానికి ఆదేశించారు. అనంతరం మున్సిపల్ కమిషనర్ దిలీప్ కుమార్ ఇంజనీరింగ్ విభాగం అధికారులతో పలు అంశాలపై చర్చించారు. అన్ని ఇంజనీరింగ్ వింగ్‌లు అండ్ పారిశుధ్య విభాగంతో లోతట్టు ప్రాంతాలు నాలాలను గుర్తించారు. నీటి ప్రవాహాన్ని సులభంగా కోసం జెసిబి ద్వారా తవ్వాలని, నిలిచిపోయిన నీటిని పర్యవేక్షించాలని, నిలిచిపోయిన ప్రాంతాల నుండి నీటిని శుభ్రంగా తీయాలని ఆదేశించారు.ఈ తనిఖీలో మున్సిపల్ ఈ ఈ ఈ, ఇన్చార్జి మున్సిపల్ హెల్త్ ఆఫీసర్, అన్ని మున్సిపల్ అసిస్టెంట్ ఇంజనీర్లు, శానిటరీ సూపర్‌వైజర్ అండ్ శానిటరీ ఇన్‌స్పెక్టర్లు, తదితరులు పాల్గొన్నారు.
- Advertisement -
