బేగంపేట్ వ‌ద్ద భారీగా ట్రాఫిక్ జాం

న‌వ‌తెలంగాణ‌-హైద‌రాబాద్: బేగంపేట్ టూ సికింద్రాబాద్ వెళ్లే రూట్లో భారీగా ట్రాఫిక్ జామ్ నెలకొంది. బేగంపేట్ విమానాశ్రయంలో ఎయిర్ షో నడుస్తుండటంతో ఎయిర్ పోర్ట్‎కు సందర్శకుల తాకిడి ఎక్కువైంది. దీంతో ఈ మార్గంలో వాహనాల రద్దీ పెరిగి భారీగా ట్రాఫిక్ జామ్ నెలకొంది. కిలో మీటర్ల మేర వాహనాలు నిలిచిపోయాయి. ప్రయాణికులు, వాహనదారులు తీవ్ర ఇబ్బందులు ఎదుర్కొన్నారు. రంగంలో దిగిన ట్రాఫిక్ పోలీసులు వాహనాల రద్దీని క్లియర్ చేస్తున్నారు.

ఆసియాలోనే అతిపెద్ద ఎయిర్​ షో ‘వింగ్స్ ఇండియా –2026’కు హైదరాబాద్ వేదికైంది. ప్రపంచ విమానయాన భవిష్యత్తును ప్రదర్శించేలా బేగంపేట ఎయిర్ పోర్ట్‎లో ఈ నెల 28 నుంచి 31 వరకు ఈ షో జరుగుతోంది. ‘భారతీయ విమానయానం’ థీమ్‎తో ఈ వేడుక నిర్వహిస్తున్నట్లు కేంద్ర పౌర విమానయాన శాఖ తెలిపింది.