నవతెలంగాణ-హైద‌రాబాద్‌: ఇంగ్లాండ్‌తో జరిగిన తొలి మహిళా వన్డేలో భారత్ నాలుగు వికెట్ల తేడాతో సునాయాసంగా విజయం సాధించింది. దీప్తి శర్మ అర్ధ సెంచరీతో రాణించింది. దీప్తి 64 బంతుల్లో మూడు బౌండరీలు, ఒక సిక్సర్‌తో అజేయంగా 62 పరుగులు చేయడంతో 10 బంతులు మిగిలి ఉండగానే భారత్ 259 పరుగుల లక్ష్యాన్ని ఛేదించింది. దీంతో ప్రపంచ కప్ కోసం డ్రెస్ రిహార్సల్స్ ఉత్సాహంగా సాగింది. జెమిమా రోడ్రిగ్స్ (54 బంతుల్లో 48)తో కలిసి 14.2 ఓవర్లలో ఆమె ఐదవ వికెట్‌కు 90 పరుగుల భాగస్వామ్యం మ్యాచ్ విన్నింగ్‌గా నిలిచింది. కెప్టెన్ హర్మన్‌ప్రీత్ కౌర్ (17) వికెట్ కోల్పోయిన భారత్ ఆల్ రౌండర్ అమంజోత్ కౌర్ (14 బంతుల్లో 20) వికెట్ ను కోల్పోయింది. దీంతో 124 పరుగులకే 4 వికెట్లు పడి కష్టాల్లో ఉన్న జట్టును దీప్తి, రోడ్రిగ్స్ భాగస్వామ్యం భారత్ ను విజయం వైపుగా నడిపించింది.
భారత మహిళల జట్టు వన్డే సిరీస్‌లోనూ సమిష్టిగా రాణించింది. బౌలర్లు క్రాంతి గౌడ్‌, స్నేహ్ రాణాకు తోడు తెలుగమ్మాయి శ్రీ చరణి, అమన్‌జ్యోత్‌ కౌర్ కూడా రాణించడంతో ఇంగ్లండ్‌ను కేవలం 258పరుగులకే పరిమితం చేసింది. మూడు వన్డేల సిరీస్‌లో భాగంగా ఇంగ్లండ్‌ మహిళలతో రోస్‌ బౌల్‌ వేదికగా బుధవారం జరిగిన తొలి వన్డేలో ఇంగ్లండ్‌ జట్టు నిర్ణీత 50 ఓవర్లలో 6 వికెట్ల నష్టానికి 258 పరుగులు చేసింది. స్నేహ్ రాణా, క్రాంతి గౌడ్‌కు రెండేసి, శ్రీ చరణి, అమన్‌జ్యోత్‌కు ఒక్కో వికెట్ దక్కాయి.
