చర్లపల్లి రైల్వే స్టేషన్ లో కూలిపోయిన పైకప్పు..

న‌వ‌తెలంగాణ‌-హైద‌రాబాద్ : శనివారం సాయంత్రం మెడ్చల్, ఉప్పల్ ప్రాంతాల్లో ఒక్కసారిగా భారీ వర్షం కురిసింది. వర్షానికి తోడు ఈదురుగాలు బీభత్సం సృష్టించాయి. దీంతో ఇటీవల ప్రారంభం అయిన చర్లపల్లి రైల్వే స్టేషన్ లో పైకప్పులోని ఓ భాగం ఒక్కసారిగా కూలి పోయి కిందపడిపోయింది. దీనికి సంబంధించిన వీడియోలు సోషల్ మీడియాలో వైరల్ గా మారాయి. అయితే ప్రమాదం సమయంలో అక్కడ ఎవరూ లేకపోవడంతో పెను ప్రమాదం తప్పింది. కేంద్ర ప్రభుత్వం ప్రతిష్టాత్మకంగా తీసుకొని ఈ చర్లపల్లి రైల్వే స్టేషన్‌ను అభివృద్ది చేసింది. దీనిని మూడు నెలల కింద వర్చువల్‌గా ప్రధాని మోడీ ప్రారంభించారు. అయితే ఈదురు గాలులకు రైల్వే స్టేషన్ పై కప్పులోని బాగం విరిగిపడటంతో నిర్మాణ లోపం బయటపడటంతో తీవ్ర విమర్శలు వెల్లువెత్తుతున్నాయి.