ఈ నెల 17, 18 తేదీల్లో అమెరికాలో రాహుల్‌గాంధీ పర్యటన

నవతెలంగాణ - హైదరాబాద్ : కాంగ్రెస్ అగ్రనేత రాహుల్‌గాంధీ ఈ నెల 17, 18 తేదీల్లో అమెరికాలో పర్యటించనున్నారు. ఈ పర్యటనలో భాగంగా 17న కొలంబియా యూనివర్సిటీలో విద్యార్థులతో ముఖాముఖి కార్యక్రమంలో పాల్గొననున్నారు. వివిధ దేశాల్లో విద్యార్థుల ఉద్యమాలు, వాటి డిమాండ్లు, భారత్‌లో వాటిపై ప్రజల అభిప్రాయాలు, ప్రజాస్వామ్యంపై వాటి ప్రభావం వంటి అంశాలపై చర్చించనున్నారు. అలాగే 18న షికాగో యూనివర్సిటీలో పలువురు ప్రముఖులతో పలు కీలక అంశాలపై చర్చలు జరపనున్నారు. రాహుల్‌గాంధీ అమెరికా పర్యటనపై బీజేపీ నేతలు విమర్శలు చేస్తున్నట్లు కాంగ్రెస్ వర్గాలు తెలిపాయి.