నవతెలంగాణ-హైదరాబాద్: ప్రజాస్వామ్య పరిరక్షణ ర్యాలీ అడ్డుకోవడానికి కేంద్ర ప్రభుత్వం శతవిధాల ప్రయత్నించిందని, విపక్షా శ్రేణులను నిలువరించడానికి అనేక అడ్డంకులు సృష్టించిందని కమ్యూనిస్ట్ పార్టీ ఆఫ్ ఇండియా (మార్క్సిస్ట్) ఎంపీ జాన్ బ్రిట్టాస్ అన్నారు. అయినా కానీ ర్యాలీ విజయవంతమైంనదని, ఈ భారీ నిరసన "చారిత్రాత్మక నిరసన"గా ఆయన అభివర్ణించారు.
కమ్యూనిస్ట్ పార్టీ ఆఫ్ ఇండియా (మార్క్సిస్ట్) ఎంపీ జాన్ బ్రిట్టాస్ ఆదివారం ఈ భారీ సభను ఒక "చారిత్రాత్మక నిరసన"గా అభివర్ణించారు. జాతీయ రాజధాని ఢిల్లీ చేరుకోకుండా పార్టీ వాలంటీర్లు, మద్దతుదారులు అడ్డుకోవడానికి రైళ్లలో నిర్బంధించడం, హైవే సరిహద్దు దిగ్బంధనాలు వంటి ప్రభుత్వ ప్రాయోజిత అణచివేత చర్యలను ఎదుర్కొన్నారని ఆయన ఆందోళన వ్యక్తం చేశారు.
ఢిల్లీ మీడియాతో మాట్లాడుతూ..సరిహద్దు వద్ద పలువురు పార్టీ వాలంటీర్లను అడ్డుకున్నారని, మరికొందరిని రైళ్ల నుంచి బయటకు లాగి నిర్బంధించారని బ్రిట్టాస్ పేర్కొన్నారు. ఈ సవాళ్లు ఉన్నప్పటికీ, రామ్‌లీలా మైదాన్‌లో పెద్ద సంఖ్యలో ప్రజలు గుమిగూడారని ఆయన అన్నారు. "ఇది ఒక చారిత్రాత్మక నిరసన అవుతుంది. ఎందుకంటే అణచివేత, దౌర్జన్యం వంటి హేయమైన ఎత్తుగడలు ఉన్నప్పటికీ, 10 లక్షల మంది ప్రజలు ఢిల్లీకి వచ్చారు. నిన్న రాత్రి, మన వాలంటీర్లు, సహచరులలో చాలా మందిని సరిహద్దు వద్ద అడ్డుకున్నారని, వారిని రైలు నుండి కిందకు దించి నిర్బంధించారని నాకు సమాచారం అందింది. అయినప్పటికీ, రామ్‌లీలాలో పెద్ద సంఖ్యలో నిరసనకారులు గుమిగూడారు. ర్యాలీ ప్రారంభం కాకముందే, అది కిక్కిరిసింది, యావత్ ఢిల్లీ ఈ దేశ చరిత్రలో ఒక చారిత్రాత్మక నిరసనకు సాక్ష్యమిస్తుంది," అని ఆయన అన్నారు.
ఓటు చోరీని నిరసిస్తూ, సీఈసీ జ్ఞానేష్‌ కుమార్ రాజీనామా చేయాలని ఇండియా బ్లాక్ కూటమి పార్టీలు చలో ఢిల్లీకి పిలుపునిచ్చిన విషయం తెలిసిందే. ఢిల్లీలోని రామ్ లీలా మైదానంలో లక్షలమంది చేరుకున్నారు. ఓట్ బచావో, దేశ్ బచావో, జ్ఞానేష్‌ కుమార్ రాజీనామా చేయాలని నినాదాలు చేశారు.
కామెంట్‌లు (0)