అసిస్టెంట్‌ ప్రొఫెసర్‌ పోస్టుల దరఖాస్తు తేదీల్లో మార్పులు

నవతెలంగాణ బ్యూరో – హైదరాబాద్‌
అసిస్టెంట్‌ ప్రొఫెసర్‌ పోస్టుల దరఖాస్తు తేదీల్లో మెడికల్‌ అండ్‌ సర్వీసెస్‌ రిక్రూట్‌మెంట్‌ బోర్డు మార్పులు చేసింది. ఈ మేరకు శుక్రవారం ఒక ప్రకటన విడుదల చేసింది. ముందుగా నిర్దేశించిన తేదీల ప్రకారం ఈ నెల 10 నుంచి 17 వరకు దరఖాస్తులు స్వీకరిస్తున్నట్టు తెలిపింది. అయితే మెడికల్‌ కౌన్సిల్‌ రిజిస్ట్రేషన్‌, కుల ధవీకరణ, తదితర సర్టిఫికెట్లు తెచ్చుకోవడానికి కొంత సమయం కావాలనీ, అందుకోసం తేదీల్లో మార్పులు చేయాలని డాక్టర్లు విజ్ఞప్తి చేశారు. దీంతో ఈ నెల 20 నుంచి 27 వరకు దరఖాస్తులు సమర్పించేందుకు అవకాశమిస్తూ బోర్డు తేదీల్లో మార్పు చేసింది. ఈ నెల 20 నుంచి బోర్డు వెబ్‌సైట్‌లో దరఖాస్తు చేసుకోవాలని సూచించింది. దరఖాస్తు సమయంలో బోర్డు వెబ్‌సైట్‌లో అన్ని సర్టిఫికెట్లను అప్‌లోడ్‌ చేయాలని పేర్కొంది. డాక్టర్లు విజ్ఞప్తి చేసిన నేపథ్యంలో బోర్డు ఈ నిర్ణయం తీసుకున్నది.