డిగ్రీ పరీక్షల ఫీ సవరణ.. నోటిఫికేషన్ విడుదల

నవతెలంగాణ – డిచ్ పల్లి 
తెలంగాణ యూనివర్సిటీ పరిధిలోని డిగ్రీ పరీక్షల ఫీ 25-10-2025 వరకు చెల్లింపు తేదిని  సవరిస్తూ  4-11-2025 వరకు చెల్లించాలని తెలంగాణ యూనివర్సిటీ కంట్రోలర్ శనివారం నోటిఫికేషన్ ను విడుదల చేశారు. 2025 నవంబర్ నెలలో నిర్వహించబోయే డిగ్రీ రెగ్యులర్ మరియు బ్యాక్‌లాగ్స్( బి.ఏ./బి.కాం./బి.ఎస్‌సి./బిబిఎ/బిసిఎ) కోర్సుల ఒకటవ, మూడవ, ఐదవ, సెమిస్టర్ (రెగ్యులర్) మరియు రెండవ, నాలుగవ, ఆరవ, సెమిస్టర్ (బ్యాక్‌లాగ్స్ 2021, 2022, 2023, 2024 బ్యాచ్‌లు)లకు చెందిన అర్హత కలిగిన విద్యార్థుల (థియరీ) పరీక్ష  ఫీజు   చివరి తేదీ 25-10-2025 ఉండగా దానిని సవరిస్తూ  04-11-2025 వరకు చెల్లించాలని, రూ.100 అపరాధ రుసుముతో 06-11-2025 వరకు చెల్లించాలని పరీక్షల నియంత్రణ అధికారి ప్రొఫెసర్ డాక్టర్ కే.సంపత్ కుమార్ తెలిపారు. పూర్తి వివరాలు కోసం తెలంగాణ వర్సిటీ వెబ్సైట్లో పొందుపరచడం జరిగిందని వివరించారు.