కాకతీయ యూనివర్సిటీ పరిధిలో ఈ నెల 6, 7, 8 తేదీలలో వాలీబాల్ టోర్నమెంట్ జరుగనున్నాయి. ఈ టోర్నమెంట్‌లో పాల్గొనే సత్తుపల్లి జేవీఆర్ డిగ్రీ కళాశాల విద్యార్థులకు సత్తుపల్లిలోని సత్యవతి నేత్ర వైద్యశాల సౌజన్యంతో రూ.10 వేల విలువైన స్పోర్ట్స్ డ్రెస్సులను ఆ ఆసుపత్రి వైద్యులు డాక్టర్ కట్టా శివాజీ చేతుల మీదుగా మంగళవారం విద్యార్థులకు అందించారు. వాలీబాల్ పోటీల్లో సత్తుపల్లి విద్యార్థులు ఉత్తమ ప్రతిభ కనబరిచి విజయం సాధించాలని డాక్టర్ శివాజీ ఆకాంక్షించారు. క్రీడలు మానసిక ఉల్లాసానికి, శారీరక దృఢత్వానికి ఎంతో తోడ్పడతాయని ఆయన పేర్కొన్నారు. క్రీడాకారులకు ఉచితంగా జెర్సీలు అందించి ప్రోత్సహించిన దాతలకు కళాశాల బృందం ధన్యవాదాలు తెలిపింది. ఈ కార్యక్రమంలో వాలీబాల్ కోచ్ ఊకే సాయికృష్ణతో పాటు వాలీబాల్ జట్టు సభ్యులు, విద్యార్థులు పాల్గొన్నారు. స్థానిక సుమాంజలి ఫొటో స్టూడియో బాధ్యులు మల్లికంటి రాము ఆధ్వర్యంలో జరిగింది.